ქართველები რომლებმაც წარუშლელი კვალი დატოვეს პოლონეთის ისტორიაში

საქართველოსა და პოლონეთს კულტურული და პოლიტიკური კავშირების დიდი ისტორია აქვთ, მრავალი ცნობილი ქართველი მოღვაწეობდა პოლონეთში წლების განმავლობაში. ერთ-ერთი თვალსაჩინო ფიგურაა ბოგდან გურჯიცკი, ქართველი, რომელიც მოღვაწეობდა პოლონეთის სამეფო კარზე მე-17 საუკუნეში, იგი იყო პოლონეთის ელჩი ირანში სეფიანთა კარზე. 1676 წელს პოლონეთის მთავრობამ გურჯიცკი ირანში თავის მუდმივ რეზიდენტად დანიშნა. აქ მან 23 წელი დაჰყო, კავშირი ჰქონდა ქართველ მეფეებთან — ვახტანგ V-თან და გიორგი XI-თან, მონაწილეობდა პოლონეთსა და საქართველოს შორის სავაჭრო კონტაქტების დამყარების მცდელობაში.მთლიანობაში, ბოგდან გურჯიცკიმ მნიშვნელოვანი როლი ითამაშა XVII საუკუნეში საქართველოს, პოლონეთისა და სპარსეთის დიპლომატიურ ურთიერთობებში და ითვლებოდა ერთ-ერთ გავლენიან ფიგურად.

წმინდანად შერაცხილი არქიმანდრიტი მამა გრიგოლ ფერაძე. მე -2 მსოფლიო ომის დროს მამა გრიგოლი ხშირად იფარავდა ფაშისტების მიერ დევნილ ადამიანებს, განსაკუთრებით კი ებრაელებს, რისთვისაც იგი შეიპყრეს და ოსვენციმის საკონცენტრაციო ბანაკში გადაიყვანეს. 1942 წლის 6 დეკემბერს მამა გრიგოლმა თავის თავზე აიღო ერთი მრავალშვილიანი ებრაელის სასჯელი და მის მაგივრად შევიდა გაზის კამერაში. 2020 წლის 6 დეკემბერს ვარშავაში იმ ქუჩაზე სადაც ცხოვრობდა და მოღვაწეობდა არქიმანდრიტი მემორიალური დაფა გაიხსნა წარწერით ამ სახლში 1933-1942 წლებში ცხოვრობდა წმინდა მღვდელმოწამე არქიმანდრიტი გრიგოლ ფერაძე (1899-1942), ვარშავის უნივერსიტეტის პროფესორი, მოწამებრივად აღესრულა ოსვენციმის საკონცენტრაციო ბანაკში 6.XII.1942, წმინდანად შერაცხილი 19.IX.1995 /.     

ბოლო წლებში ბევრი ქართველი წავიდა პოლონეთში სამუშაოდ, სადაც სამუშაო ნებართვების მიღების სიმარტივის და პოლონეთის მზარდი ეკონომიკის გამო ქვეყანა გახდა შრომითი მიგრაციის ერთ-ერთი მთავარი სფერო მთლიანობაში, ქართველებმა მნიშვნელოვანი წვლილი შეიტანეს პოლონეთის კულტურასა და საზოგადოებაში.

მოამზადა ეკატერინე აფციაურმა

პოლონეთი/ კატოვიცე

აგრეთვე დაგაინტერესებთ: 

📌 ნუ გაგიჩნდებათ კომპლექსი რომ სხვა უკეთ საუბრობს, ისაუბრეთ ისე როგორც შეგიძლიათ, პრაქტიკასთან ერთად ბარიერებსაც გადალახავთ

📌 პოლონეთში მცხოვრები ქართველი ემიგრანტების საყურადღებოდ - რა არის "კარტა პობიტუ"

📌 ქართველი ემიგრანტების ცხოვრება პოლონეთში - რა უნდა იცოდეს ემიგრანტმა