საბერძნეთში, 9 წლის ქალიშვილის მკვლელობის ბრალდებით დედის დაკავების შემდეგ, საეჭვო გარემოებაში გარდაცვლილი გოგონების მამა შოკურ მდგომარეობაშია

მოვლენების განვითარებით შოკურ მდგომარეობაშია, ბოლო სამი წილის განმავლობაში გარდაცვლილი სამი გოგონას მამა და 9 წლის  ქალიშვილის მკვლელობაში მთავარი ეჭვმიტანილის სტატუსით დაპატიმრებული 33 წლის რულა პისპირიგუს მეუღლე მანოს დასკალაკისი.

ბერძნული მედიის ინფორმაციით, გარდაცვლილი სამი გოგონას მამა, მეუღლის დაპატიმრების შემდეგ გათავისუფლდა სამსახურიდან და არ ეკონტაქტება ჟურნალისტებს, რამაც გააჩინა კითხვები მისი გაუჩინარების შესახებ, რასაც დღეს მისი ადვოკატი გამოეხმაურა და განაცხადა,  რომ  "მანოს დასკალაკისი არ "გამქრალა",  ის შოკურ მდგომარეობაში იმყოფება და საქმის მასალებში არსებულ დოკუმენტების გაცნობას ელოდება. სავარაუდოდ, სამი შვილის მამა განცხადებას  ხვალ გააკეთებს'' - ამბობს ადვოკატი

მას შემდეგ რაც 33 წლის ქალი საკუთარი 9 წლის ქალიშვილის, მკვლელობის საქმეში მთავარი ეჭვმიტანილის სტატუსით დააკავეს, მისი სახლის წინ, აღშფოთებული მოქალაქეები შეიკრიბა. მოსალოდნელი სახიფათო ინციდენტის თავიდან ასარიდებლად, ადგილზე მობილიზებული იყო პოლიცია, როგორც ცნობილია სახლში დაპატიმრებული ქალის ოჯახის წევრები იმყოფებოდნენ.

მედიის ინფორმაციით, ადგილზე შეკრებილი ხალხი საკუთარ პოზიციას შეძახილებით და კედლებზე გაკეთებული წარწერებით გამოხატავდნენ, ზოგიერთმა მათგანმა  გარდაცვლილი პატარების სახელზე, სახლთან  სანთლები დაანთო და ყვავილები დატოვა.

ასევე საინტერესოა

🔷საბერძნეთში ერთ ოჯახში, სამ წელში სამი მცირეწლოვანი გარდაიცვალა - 9 წლის შვილის მკვლელობაში დედაა ბრალდებული 

🔷საბერძნეთის მოსახლეობა აღდგომას კვლავ პირბადით შეხვდება - ეპიდემიოლოგიური ვითარება ზომების გაუქმების საშუალებას არ იძლევა

🔷1 აპრილიდან საბერძნეთში "სიჩუმის საათის" გრაფიკი იცვლება