„ბევრი ადამიანის ცხოვრებაში შესაძლოა გადაწყდეს მიწის, ეკონომიკური საკითხების ან სულიერი ტრანსფორმაციის საჭირბოროტო თემები“ - გიორგი ლობჯანიძე

ეზოტერიკოსი, გიორგი ლობჯანიძის პროგნოზი 29 ოქტომბრის მთვარის დაბნელების შესახებ:

ვიცი, ხვალინდელ დღეს ბევრი თქვენგანი ელოდება, დღე მართლაც მნიშვნელოვანი და საინტერესოა. ასეთ მოვლენებს ყოველთვის დიდი მოლოდინი ახლავს ხოლმე. შეგახსენებთ, რომ მთვარის დაბნელება თბილისის დროით დაიწყება 22:01 საათიდან, მაქსიმუმი დაბნელებისა იქნება უკვე 29 რიცხვში იმავე ღამით 00:14 საათზე, ხოლო დასასრული კი 02:26 საათზე კუროს ზოდიაქოს 05°09′ გრადუსზე. 

განსხვავებით მზისგან, მთვარე ესაა ადამიანის ქვეცნობიერი ბუნება, სიღრმეში წასული ენერგოვიბრაციები. საერთოდ, უმჯობესია მთვარის დაბნელებისას ადამიანებმა გარკვეული საქმეები დაასრულონ და გათავისუფლდნენ იმისგან, რისგანაც იტანჯებიან ან დრომოჭმული, გამოუსადეგარი, თუნდაც ნივთებისგან, ადამიანებისგან, თუ სხვა ... დააღწიონ თავი და შეხედონ მოვლენებს გვერდიდან. 

პიკის მომენტში, ცის კაბადონზე არსებული ფონი ქმნის დაძაბულობებსაც. აქაა სერიოზული ოპოზიციური ქიშპი, მორიელისა და კუროს ღერძზე განთავსებული პლანეტებისა. ბევრი ადამიანის ცხოვრებაში შესაძლოა გადაწყდეს მიწის, ეკონომიკური საკითხების ან სულიერი ტრანსფორმაციის საჭირბოროტო თემები. სხვათა შორის დაპირისპირება შესაძლოა იყოს რელიგიურ-ფილოსოფიური ექსტრემიზმის მხრივაც, რაც გამოიწვევს შეუწყნარებლობას და დევნას. 

მერკურის და მარსის მიერ იუპიტერის საპირისპიროდ შექმნილი განსაკუთრებული პოლარობები და წინააღმდეგობები დაკავშირებულია სიმართლესთან, ომის პირველ მსხვერპლთან. პოლარიზებული დებატები, სიტყვების ომი, რელიგიური ომი, ჰუმანიტარიზმის საზღვრები, დემოკრატია და კანონები. საზღვრების შემოწმება და გამოცემის, პროპაგანდის, ცენზურის, მორალის, სექსუალობის, თანასწორობის და გენდერული ტერმინოლოგიის საზღვრების გადალახვა. 

სამაგიეროდ ასეთი ოპოზიციების შემყურე დრო კარგად ფასდება, თუნდაც საკუთარ თავთან ბრძოლისთვის, მავნე თვისებებზე გამარჯვებისთვის, ეცადეთ, რომ ამ დღეებში მეტი იფიქროთ და ნაბიჯი შემდეგ გადადგით. მეტად ეცადეთ რომ შექმნათ სასიამოვნო გარემო და გახშირებულ დებატებში ცხვირს ნუ შეყოფთ, ბევრი ახალი კარგი კადრიც შეიძლება დაიბადოს.

ეს დაბნელება შეეხება მათ, ვისაც პლანეტები 3-9 გრადუსზე გყავთ, უფრო თქვენ იგრძნობთ ამ ყველაფერს. დანარჩენი ინდივიდუალური კითხვები და კონსულტაციები პირადში ... დაძაბულობების დროს გახსოვდეთ რომ ბევრი იმარჯვებს კიდეც და წინაც კარგად მიდის, მთავარი ჩვენი გონიერება და მონდობაა რწმენით უზენაესისადმი. 

ბედნიერი შაბათ-კვირა მისურვებია! - წერს გიორგი ლობჯანიძე.