ფლორენციაში, მწერალ ჯაბა ქვლივიძესთან შეხვედრა გაიმართა

იტალიის ქალაქ ფლორენციაში, კვირას, 19 მარტს მწერალ ჯაბა ქვლივიძესთან შეხვედრა და  საბავშვო წიგნის "მეგობრების" პრეზენტაცია გაიმართა.

ღონისძიება ფლორენციის წმინდა ნინოს სახელობის ქართულ სამრევლოსთან არსებულ საკვირაო სკოლის დარბაზში შედგა, სადაც მწერალმა საკუთარი შემოქმედება გააცნო
დამსწრე საზოგადოებას. საღამოს დასასრულს, რომლის ორგანიზატორიც ფლორენციაში მცხოვრები ქართველი ემიგრანტი ნინა სიბოშვილი გახლავთ, საზეიმოდ გაიჭრა ტორტი. 

ჯაბა ქვლივიძე: დიდი მადლობა მინდა გადავუხადო მამა ანდრიას, საკვირაო სკოლის ხელმძღვანელს რეზო ჭეიშვილს და ღონისძიების ორგანიზატორს ნინო სიბოშვილს, ამ ლამაზი და თბილი საღამოსთვის, საჩუქრებისთვის. 
საქართველოში ვბრუნდები დადებითი ემოციებით სავსე, რაც ძალიან დიდხანს გამყვება. გაიხარეთ ჩემო ემიგრანტებო.

ცნობისათვის: ჯაბა ქვლივიძე (ბერიკაცი) - საქართველოს მწერალთა შემოქმედებითი კავშირის წევრი. ღვაწლმოსილი მწერალი. ნიკო ნიკოლაძის სახელობის პრემიის ლაურეატი. სამჯერ  "წმინდა ილია მართლის (ჭავჭავაძე) გაზეთ "ივერიის" სახელობის პროზა-პოეზიის პრემია - "ივერია"-ს ჯვრით დაჯილდოებული სხვადასხვა ნომინაციაში. 
მისი შემოქმედება დაიწყო 1989 წლის 9 აპრილის ტრაგედიის შემდეგ. გამოიცა მისი პირველი წიგნი "პოეტის სული".  
ჯაბა ქვლივიძეს ეკუთვნის “შურისძიება”-დეტქტიური რომანი; "მეგობრები"- საბავშვო წიგნი; "კანონის სადარაჯოზე" - 10 დეტექტივი
"ჩემი შემოქმედების ფურცლები"- პირველი ტომი.

ნინა მამუკაძე

იტალია|ფლორენცია