ლევან მაჭავარიანი: კაია კალასის ქმარს დღემდე აქვს ძალიან მსხვილი ბიზნესები რუსეთში და ჩვენ მოგვიწოდებს, სანქციები დავუწესოთ რუსეთს და გავანადგუროთ ჩვენი ეკონომიკა

„კაია კალასის ქმარს დღემდე აქვს ძალიან მსხვილი ბიზნესები რუსეთში და ჩვენ მოგვიწოდებს, სანქციები დავუწესოთ რუსეთს და გავანადგუროთ ჩვენი ეკონომიკა“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა უცხო ქვეყნის წარმომადგენლების მიერ საქართველოს შიდა საქმეების ჩარევაზე საუბრისას განაცხადა.

მისი თქმით, უცხო ქვეყნის წარმომადგენლების მხრიდან უსაფუძვლო ბრალდებები ჩვენი ხელისუფლების მისამართით ხორციელდება იმიტომ, რომ „ვერ გამოგვიყენეს მეორე ფრონტად“.

„ბოლო 3 წელია მას ვაკვირდებით, რომ უსაფუძვლო ბრალდებები მოდის ჩვენი ხელისუფლების მისამართით ზუსტად იმ დღიდან, რა დღესაც უკრაინაში დაიწყონ ეს ტრაგედია. ამის მარტივი მიზეზი არის ის, რომ ჩვენ ვერ გამოგვიყენეს მეორე ფრონტად და შემდეგ სცადეს უკვე ამ განცხადებებით და ოპოზიციის მხარდაჭერით რევოლუციის სცენარების მოწყობა, 4-ჯერ ჰქონდათ უკვე ეს მცდელობა.

კონკრეტულად ქალბატონ კალასზე და ზოგადად ბალტიის ქვეყნებზე, რომლებიც გააქტიურებულები არიან, „დიფ სთეითმა“ რებრენდინგი მოახდინა, იგი მთლიანად კონცენტრირებულია ბრიუსელში, ბრიუსელის ბიუროკრატებზე და მათი ქვეყნის ლიდერების გაორმაგებულ შეტევაზე არიან გადმოსულები.

ქალბატონი კაია კალასი გახლდათ ესტონეთის პრემიერი ცოტა ხნის წინ და მის ქმარს დღემდე აქვს ძალიან მსხვილი ბიზნესები რუსეთში, საიდანაც მილიონობით დივიდენდს და ჩვენ მოგვიწოდებს რომ სანქციები დავუწესოთ რუსეთს და გავანადგუროთ ჩვენი ეკონომიკა.

ლიეტუვა პირველ ადგილზეა ღვინის ექსპორტით რუსეთში, როდესაც თვითონ საერთოდ არ აქვს ღვინის კულტურა. ლატვია მაგალითად სპირტიანი სასმელების კუთხით არის მოწინავე პოზიციებზე, ყველაზე მეტი ვისკი შეაქვს რუსეთში, როდესაც თვითონ არ აწარმოების ამ ვისკის. ორმაგ სტანდარტებთან და უსამართლობასთან გვაქვს საქმე.

ჩვენი მოქალაქეები ამას მიეჩვივნენ, რა თქმა უნდა, უკვე ყველა ყველაფერს კარგად ხედავს. ლუსტრირება მოხდა ძალიან ბევრი რაღაცის, მით უმეტეს მას შემდეგ, რაც ბატონმა ტრამპმა დაიკავა ოვალური ოფისი. ევროკავშირსა და ბიუროკრატებში სერიოზული პრობლემაა იქიდან გამომდინარე, რომ მაგალითად ახლა ბატონი სი ძინპინი, როგორც გავრცელდა ინფორმაცია არ მიიღებს მონაწილეობას იმ საიუბილეო სამიტში, რომელიც დაგეგმილია ევროპაში, ევროკავშირის და ჩინეთის ურთიერთობასთან 50 წლისთავის აღნიშვნასთან დაკავშირებით.  ამერიკის შეერთებული შტატები რა განცხადებებს აკეთებს დღევანდელი ადმინისტრაცია, ბატონი მასკი იქნება, ბატონი ვენსი თუ ბატონი ტრამპი ეს ჩვენმა მოქალაქეებმა კარგად შეიტყვეს.

მათ თავიანთი პრობლემები აქვთ, აქედან გამომდინარე, ნაკლებ ყურადღებას აქცევენ ჩვენს რადიკალურ ოპოზიციას და ისეთი მეორე ხარისხოვანი ქვეყნები ჰყავთ უფრო ჩართული, როგორც არის ბალტიის ქვეყნები და ასე შემდეგ. თვითონ თავიანთ პრობლემებზე არიან კონცენტრირებულები და აქედან გამომდინარე, სერიოზული ქაოსი არის თვითონ ოპოზიციაშიც. იმიტომ, რომ ვეღარ გაიგეს უკვე ვისგან რა ინსტრუქცია მოდის და რა ინსტრუქციას უნდა მიჰყვნენ“, - აღნიშნავს ფრაქცია „ქართული ოცნების“ თავმჯდომარის მოადგილე.