ხვიჩა კვარაცხელია იტალიის ჩემპიონატის სერია A-ს 2022-23 წწ. სეზონის საუკეთესო ფეხბურთელია

იტალიურმა სერია A-მ ხვიჩა კვარაცხელია სეზონის საუკეთესო ფეხბურთელად დაასახელა!

გასულ წელს ჯერ კიდევ ბათუმის დინამოში მოთამაშე ქართველმა შემტევმა იტალია და მთელი ევროპა პირველივე სეზონში გააოცა.  "კვარადონამ" სერია A-ში ჩატარებულ 33 მატჩში 12 გოლი გაიტანა და 10 საგოლე პასი მიითვალა და ნიგერიელ ფორვარდ ვიქტორ ოსიმენთან შექმნილი ბრწყინვალე დუეტის წყალობით, ნეაპოლელთა 33 წლიანი ლოდინი დაასრულა და "ნაპოლს" სკუდეტოს მესამედ მოგებაში დაეხმარა.

დღესვე, ასევე გამოვლინდა სერია A-ს 2022/23 წლების სეზონის საუკეთესოები:
საუკეთესო მწვრთნელი: ლუჩანო სპალეტი (ნაპოლი)
საუკეთესო ახალგაზრდა ფეხბურთელი: ნიკოლო ფაჯოლი (იუვენტუსი)
საუკეთესო მეკარე: ივან პროვედელი (ლაციო)
საუკეთესო მცველი: კიმ მინ-ჯე (ნაპოლი)
საუკეთესო ნახევარმცველი: ნიკოლო ბარელა (ინტერი)
საუკეთესო ფორვარდი: ვიქტორ ოსიმენი (ნაპოლი)
საუკეთესო ფეხბურთელი: ხვიჩა კვარაცხელია(ნაპოლი)

შეგახსენებთ, სერია A-ს ინდივიდუალური ტიტულები 2018/19 წლების სეზონიდან შემოიღეს. პირველი გამარჯვებული კრიშტიანო რონალდო გახდა.

სეზონის MVP
2019: კრიშტიანო რონალდო (იუვენტუსი)
2020: პაულო დიბალა (იუვენტუსი)
2021: რომელუ ლუკაკუ (ინტერი)
2022: რაფაელ ლეაო (მილანი)

2023: ხვიჩა კვარაცხელია(ნაპოლი)

ხვიჩა ასევე შეიყვანეს სეზონის სიმბოლურ გუნდში.

სეზონის სიმბოლური გუნდი:

ვოიცეხ შჩესნი (იუვენტუსი) - ჯოვანი დი ლორენცო, კიმ მინ-ჯე (ორივე ნაპოლი), ბრემერი (იუვენტუსი), ტეო ერნანდესი (მილანი) - სანდრო ტონალი (მილანი), ნიკოლო ბარელა (ინტერი), ადრიენ რაბიო (იუვენტუსი) - ხვიჩა კვარაცხელია, ვიქტორ ოსიმენი (ორივე ნაპოლი), რაფაელ ლეაო (მილანი)