„მარადონასთან შედარება მარტივი მისაღწევი არ არის“ - ხვიჩა კვარაცხელია ცნობილი ბრიტანული ჟურნალის რეიტინგში

ცნობილმა ბრიტანულმა საფეხბურთო ჟურნალმა FourFourTwo პარი სენ-ჟერმენის და საქართველოს ეროვნული ნაკრების ფეხბურთელი ხვიჩა კვარაცხელია საუკეთესო გარემარბებს შორის დაასახელა. მას რეიტინგში მხოლოდ რეალის ფეხბურთელი ვინისიუს ჟუნიორი და რაფინია უსწრებენ „ბარსელონადან“.

საუკეთესო გარემარბების ათეული ასეთია:

10. კაორუ მიტომა (ბრაიტონი)

9. ენტონი გორდონი (ნიუკასლი)

8. ნიკო უილიამსი (ბილბაო)

7. კოდი გაკპო (ლივერპული)

6. ლუის დიაზი (ლივერპული)

5. ბრედლი ბარკოლა (პსჟ)

4. რაფაელ ლეაო (მილანი)

3. ხვიჩა კვარაცხელია (პსჟ)

2. რაფინია უსწრებენ (ბარსელონა)

1. ვინისიუს ჟუნიორი (რეალი)

FourFourTwo ხვიჩა კვარაცხელიას შესახებ წერს:

„მარადონასთან შედარება მარტივი მისაღწევი არ არის. როდესაც მას „კვარადონას“ მეტსახელი ერგო, ცხადი გახდა, რომ ქართველ მოთამაშეს სერიოზული გეგმები ჰქონდა.

2022-23 წლებში იტალიის სერია A-ში გარღვევის სეზონი ჰქონდა და ვიქტორ ოსიმენთან ერთად შესანიშნავი დუეტი შექმნა, რამაც „ნაპოლი“ 1990 წლის შემდეგ პირველ სკუდეტომდე მიიყვანა.

იმ სეზონში ვინგერმა კლუბის მიერ გატანილ 31 გოლში მიიღო მონაწილეობა, სათავეში ჩაუდგა კლუბის დაბრუნებას მწვერვალზე, შემდეგ კი, პარი სენ-ჟერმენში გადავიდა, რაც შესაძლოა, ამ სეზონზე, ჩემპიონთა ლიგაზე კლუბის წარმატებული თამაშის კატალიზატორი გახდეს“.