ზედიზედ მე-5 ევროპის ჩემპიონობა!

ჩეხეთის დედაქალაქ პრაღაში საქართველოს ტრიუმფით დასრულდა ევროპის 18-წლამდელთა ჩემპიონატი რაგბიში. საქართველოს ნაკრებმა ფინალში პორტუგალიას 19:3 სძლია და ზედიზედ მეხუთედ გახდა ჩემპიონი(2015 წლიდან მოყოლებული ზედიზედ მე-8 ფინალი იყო ეს ჩვენი გუნდისთვის). 

„უმცროსი ბორჯღალოსნები“ თავიდანვე დაეუფლა უპირატესობას, მეტოქეს ყველა კომპონენტში სჯაბნიდა და პირველი ტაიმი 14:0 მოიგო (ლელო ბურთიკაშვილმა და დვალმა დადეს). მეორე ტაიმში პორტუგალიამ თამაში გამოასწორა, ორი საჯარიმოდან ერთი გამოიყენა და ანგარიში შეამცირა. საქართველოს ნაკრებმა ხანგრძლივი შეტევებით უპასუხა, მსაჯმა მოწინააღმდეგის მორაგბე კარდოსო გაასინბინა, სპანდერაშვილმა ლელო გაიტანა, სირბილაძემ გარდასახვა ვერ გამოიყენა და შეხვედრა ჩვენი გუნდის გამარჯვებით დასრულდა.

ფინალამდე ქართველმა მორაგბეებმა შვეიცარია 86:10, ხოლო ნიდერლანდები 29:10 დაამარცხა. 

2023 წლის რაგბი ევროპის 18-წლამდელთა ჩემპიონატი
18 ნოემბერი.

ფინალი
ჩეხეთი. პრაღა. „მარკეტა სთედიუმი“

საქართველო – პორტუგალია 19:3

საქართველო

ხაზი: 15. გიორგი ბოლქვაძე (ლელო), 14. ტატო ბურთიკაშვილი (ვეფხვები), 13. სანდრო სესიაშვილი (არმია), 12. გიორგი ხაინდრავა (ლელო), 11. ლუკა კეშელავა (არმია), 10. გიგი სირბილაძე (სქარბოროუ, ინგლისი), 9. გიორგი ჯაში (არმია);

შერკინება: 1. გიორგი მესხიძე (ხვამლი), 2. მიხეილ ხახუბია (ლელო), 3. ნიკა ქუმარიტოვი (ლოკომოტივი), 4. კახა შეყილაძე (ორიაკი, საფრანგეთი), 5. გაგი მარგველაშვილი (რასინგ 92, საფრანგეთი), 6. ლუკა საღინაძე (ლიონი, საფრანგეთი), 7. ნიკა აბესაძე (ლელო), 8. ანდრო დვალი (ლელო, კაპ.).

მარქაფა: 16. შოთა ხელაძე (ლელო), 17. გიორგი ძაგანია (სტად ნისუა, საფრანგეთი), 18. მათე ღურწკაია (ყოჩები), 19. მიხეილ შიოშვილი (ლელო), 20. დავით ლაგვილავა (გრენობლი, საფრანგეთი), 21. გიორგი სპანდერაშვილი (ლელო), 22. ბუბა ნოზაძე (ბათუმი), 23. დავით ბარბაქაძე (არმია), 24. ნიკოლოზ ხალვაში (ლელო), 25. ნუგი ქევხიშვილი (ლელო), 26. თემო წულუკიძე (იუნკერები).