დავით მათიკაშვილი ტერმინ „უცხოურ გარე ძალაზე“: საბჭოთა და რუსული საოკუპაციო ძალა რომ იყო 1989 წელს და როდიონოვის ტანკები რომ დასეირნობდნენ თბილისის ქუჩებში, ეს ხომ ფაქტია. ჩვენ რომ ვთქვათ, რომ არა ასე არ მომხდარაო, ვინმე დაიჯერებს?

 თითიდან გამოწოვილი თვალთმაქცობის მეტს რომ ვერაფერს გაარკვევ ისეთი არგუმენტები მოაქვთ, ღიმილის მომგვრელია. საბჭოთა და რუსული საოკუპაციო ძალა რომ იყო 1989 წელს და როდიონოვის ტანკები რომ დასეირნობდნენ თბილისის ქუჩებში, ეს ხომ ფაქტია. ჩვენ რომ ვთქვათ, რომ არა ასე არ მომხდარაო, ვინმე დაიჯერებს?, - განაცხადა გადაცემაში „დღის ქრონიკა“ საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა დღევანდელ განცხადებებში ნახსენები ტერმინის „უცხოური გარე ძალის“ შესახებ საუბრისას.

„რა თქმა უნდა ყველაფერს თავისი სახელი ერქვა მაშინაც და დღესაც. ეს უცხო გარე ძალა მაშინ რომ იყო საბჭოთა ტანკები, სიესით და ნიჩბებით შეიარაღებული სპეცრაზმელები, დღეს უცხო ძალა ის „დიფ სთეითი“ ამ მოღალატე და უსამშობლო ადამიანების, რადიკალების, საკუთარი თავის რუსად მონათლული ე.წ. პოლიტიკოსების ხელით, პაატა ბურჭულაძეს ვგულისხმობ, ცდილობს ჩვენი ქვეყნის კვლავ დაქსაქსვას, დაყოფას და შეტევას ჩვენი ქვეყნის სუვერენიტეტზე, ეს არის უცხო ძალა. საიდან რას იგონებენ და როგორ ცდილობენ ეს საკუთარი ამორალურობა, უსამშობლობა და უღმერთობა გაამართლონ იმით, თუნდაც რაც დღეს რუსთაველზე ჩაიდინეს.

მოქალაქეები მიდიოდნენ, სურდათ ყვავილები მიეტანათ და დაედოთ იქ, სადაც ამას ვაკეთებთ 1989 წლის შემდგომ. ამ ადამიანებს როგორ ყოფდნენ ერთმანეთისგან არ ვიცი, მაგრამ ფაქტობრივად არავის არ უშვებდნენ. ის, რომ აპართეიდული სურვილები აქვთ ამ ერთი მუჭა ადამიანებს, გარს შემოერტყნენ ობელისკს და სურთ, რომ საკუთარი რადიკალიზმი გადაზარდონ ქვეყანაში დაპირისპირებად, ზუსტად ამას ვებრძვით“, - აღნიშნა დავით მათიკაშვილმა.