ლევან მაჭავარიანი: შეუძლებელია პოზიციამ მიაღწიოს ახალ არჩევნებს, ახალი საპარლამენტო არჩევნები ჩატარდება 2028 წელს

 „შეუძლებელია პოზიციამ მიაღწიოს ახალ არჩევნებს, ახალი საპარლამენტო არჩევნები იქნება 2028 წელს“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა ოპოზიციაზე საუბრისას განაცხადა.

დეპუტატის თქმით,  მიმდინარე წლის ოქტომბერში თვითმმართველობის არჩევნები ჩატარდება და მმართველმა გუნდმა ამისთვის მზადება უკვე დაიწყო.

„შეუძლებელია ოპოზიციამ მიაღწიოს ახალ არჩევნებს. როგორი წნეხი არის უცხოეთიდან ხვდებით და ჩვენ PACE რატომ დავტოვეთ? რა თქმა უნდა, ჩვენი დელეგაციის უფლებამოსილება ცნეს PACE-ში, მაგრამ იქ წაგვიყენეს მოთხოვნად, რომ უნდა ჩაგვეტარებინა რიგგარეშე ახალი არჩევნები. როდესაც ვეკითხებით, თუ რის საფუძველზე ითხოვთ ამას, სიჩუმე არის, რა უნდა გვიპასუხონ, როდესაც მტკიცებულებები ფიზიკურად არ არსებობს.

შესაბამისად, ოპოზიციამ კი არა, ვინც არ უნდა მოგვიწოდოს, გავიდეთ კონსტიტუციის ფარგლებიდან - ამას არ ვიზამთ. ჩვენ მოქალაქეებს დავპირდით, არასდროს გადავდგამდით ისეთ ნაბიჯს, რომელიც ეწინააღმდეგება ან ჩვენი ქვეყნის კონსტიტუციას, ან ჩვენო ქვეყნის ეროვნულ ინტერესებს. ახალი საპარლამენტო არჩევნები იქნება როგორც არის ეს გაწერილი კონსტიტუციით 2028 წელს, მანამდე იქნება თვითმმართველობის არჩევნები მიმდინარე წლის ოქტომბერში. მნიშვნელობა არ აქვს ვინ მიიღებს მონაწილეობას, ვინ არ მიიღებს, ვინ აიკრძალება და ა.შ. ჩვენ მაინც 100%-ით ვიქნებით მომზადებულები. იმგვარად ვემზადებით, სულ რომ ყველამ მიიღოს მონაწილეობა, ჩვენ გამანადგურებელი ანგარიშით უნდა გავიმარჯვოთ 64-ვე მუნიციპალიტეტში“, - აღნიშნავს ფრაქცია „ქართული ოცნების“ თავმჯდომარის მოადგილე.