„უკვე მესამე მცდელობაა რევოლუციის, ქართველებმა ჭკუა ვისწავლეთ, ვერავინ მოესწრება მაგას“ - მეუფე იაკობი

ჩვენ ძლიერი ერი ვართ და მინდა, ყველამ იცოდეს, ჩვენი ქვეყნის შიგნით თუ გარეთ, ვერავინ დაგვაჩოქებს, ჩვენ ერთადერთი უფალს ვადიდებთ და უფალს დავუჩოქებთ, მე ყველა იმ ქართველს დავლოცავ, ვისთვისაც ძვირფასია ჩვენი დიდი წინაპრის დანატოვარი სამი სიტყვა – მამული, ენა, სარწმუნოება, – ამის შესახებ ბოდბელმა ეპისკოპოსმა, მეუფე იაკობმა განაცხადა.

მეუფე იაკობის თქმით, ქვეყანაში უკვე მესამედ არის რევოლუციის მცდელობა და ამას აღარავინ დაუშვებს.

„ჩემი გამჩერებელი ღმერთის გარდა არავინ არის, არავის აზრს არ გავითვალისწინებ, როცა ჩემს ღმერთს ეხება საკითხი. მინდა, ევროპარლამენტზეც ვთქვა. მესამე მცდელობაა უკვე რევოლუციის და ვერავინ მოესწრება მაგას. ჩვენ, ქართველებმა ჭკუა ვისწავლეთ უკვე და აღარავის გავაკეთებინებთ ასეთ რამეს. გამოდიან და იძახიან, არა რუსულ კანონსო. ვის უნდა რუსული კანონი? არც ფრანგული კანონი მინდა და არც სხვა ქვეყნების. მინდა, ჩვენს ქვეყანაში ისე ვიცხოვროთ, როგორც ქართველებს გვინდა. რეალურად, რას ემსახურება ევროპარლამენტის კიდევ ერთი რეზოლუცია? უნდა მოხდეს, რომ ფაქტობრივად ისევ რუსეთს გადაგვცეს, კიდევ ერთხელ გაგვყიდეს, ისევე როგორც 22-ში, ისევე როგორც მანამდე“, - აღნიშნა მეუფე იაკობმა.