„ყველას გპირდებით, ჩვენი სახელმწიფო იქნება დამოუკიდებელი და სწორედ ჩვენი სუვერენიტეტით, ღირსებითა და იდენტობით გავხდებით ევროკავშირის წევრი“ - ლევან მაჭავარიანი

„ყველას გპირდებით, ჩვენი სახელმწიფო იქნება დამოუკიდებელი და სუვერენული და სწორედ ჩვენი სუვერენიტეტით, ღირსებით და იდენტობით გავხდებით ევროკავშირის წევრი“, - ამის შესახებ საპარლამენტო უმრავლესობის წევრმა ლევან მაჭავარიანმა პარლამენტის პლენარულ სხდომაზე სიტყვით გამოსვლისა განაცხადა.

მისი თქმით, მიზეზი იმისა, რომ აშშ ბუნდოვან სანქციებს აწესებს დეპუტატების მიმართ, არის „გამჭვირვალობის კანონი.

„ძალიან მოკლედ მინდა შეგახსენოთ, თუ რა გლობალური გამოწვევების და საფრთხეების წინაშე დგას დღეს მსოფლიო. ომი უკრაინაში, ომი ახლო აღმოსავლეთში, გააქტიურებული წვრთნები ტაივანის რეგიონის გარშემო, ამერიკის და რიგი ევროპელი ქვეყნების მოწოდება უკრაინისადმი იარაღის რუსეთის ტერიტორიაზე გამოყენებასთან დაკავშირებით, პენტაგონის თქმით, რუსეთმა ორბიტაზე გაუშვა კოსმოსური იარაღი, რომლითაც შეიძლება ყველა ტიპის თანამგზავრის განადგურება, რუსეთმა რაკეტებით აღჭურვილი ხომალდები კუბაზე გაგზავნა, საეჭვო გარემოებაში დაღუპული ირანის პრეზიდენტი, ტერაქტი სლოვაკეთის პრემიერზე, თავდასხმა დანიის პრემიერზე. ეს არის მოკლე ჩამონათვალი.

მესამე მსოფლიო ომის რეალური საფრთხე არის, რომელზეც ძალიან გავლენიანი ექსპერტები საუბრობენ. ღმერთმა დაგვიფაროს, თუ ასეთი რამე მოხდა ეს იქნება ბირთვული ომი. ამ ყველაფრის ფონზე საქართველო ინარჩუნებს მშვიდობას.

ამასობაში, როდესაც ასეთი გამოწვევებია, აშშ-ს სცალია ჩვენთვის და ბუნდოვან სავიზო სანქციებს აწესებენ რიგი  დეპუტატების წინააღმდეგ. თუმცა, აქაც გასაკვირი არაფერია, ვხედავთ, როგორ უწესებენ ისინი სანქციებს ჰააგის მოსამართლეებს და პროკურორებს. თქვეს რომ ეს ყველაფერი ხდება იმის გამო, რომ დემოკრატიის უკუსვლაა საქართველოში. თუმცა რეალური მიზეზი ვიცით, ეს არის  „გამჭვირვალობის კანონი“, რომელიც ამერიკაში მოქმედებს გაცილებით მკაცრი ფორმებით.

მმართველობის დღევანდელი სისტემა ადამიანის თავისუფლების და ღირსების იდეას ეფუძნება. სიტყვის და გამოხატვის თავისუფლება, ბიზნესის თავისუფლება, მედიის თავისუფლება. ამის დასტურად, „ატლანტიკურმა საბჭომ“ საქართველო მმართველობის რეჟიმის მიხედვით თავისუფალი ქვეყნების უმაღლეს კატეგორიაში დაასახელა.

2012 წლის შემდეგ თავისუფლების ხანგრძლივი სარეიტინგო პროგრესით საქართველო ევროპაში პირველ ადგილზეა. კრიტერიუმები: ადამიანის თავისუფლება, პოლიტიკური უფლებები, სასამართლოს დამოუკიდებლობა, სამართლიანი არჩევნები, თავისუფალი ბიზნესი და უსაფრთხოება.

ამხელა ისტერია რეალურად მხოლოდ იმიტომაა შექმნილი, რომ ვდგამთ რეალურ ნაბიჯებს მეტი დამოუკიდებლობისკენ და სუვერენიტეტის გამყარებისკენ. ეს საქართველოს გარდა არავის აწყობს, არც ჩრდილოეთს, არც სამხრეთ, არც დასავლეთ და არც აღმოსავლეთს, ეს მხოლოდ ქართველი ხალხის ინტერესშია, რასაც ჩვენ ვემსახურებით.

ჩვენი ქვეყნის ინტერესების დასაცავად არცერთი ნაბიჯით უკან არ დავიხევთ. ყველას გპირდებით, რომ ჩვენი სახელმწიფო იქნება დამოუკიდებელი და სუვერენული და სწორედ ჩვენი სუვერენიტეტით, ღირსებით და იდენტობით გავხდებით ევროკავშირის წევრი“, - აცხადებს ლევან მაჭავარიანი. 

მასალის გამოყენების პირობები


მთავარი სიახლეები




სხვა სიახლეები

1718702079

ახალი ამბები

ვაკე-საბურთალოს რაიონში წყალმომარაგების აღდგენის სავარაუდო დრო ცნობილია

თბილისის ნაწილს წყალი გრაფიკით მიეწოდება. 63 ათასამდე აბონენტს „ჯორჯიან უოთერ ენდ ფაუერი" წყალს რეზერვუარების შევსების ალტერნატიული გზით აწვდის. დაზიანებული ცენტრალური მაგისტრალური მილსადენის სრულ აღდ...

წყალი შეწყდება

1718699712

ახალი ამბები

„ვარ უბედნიერესი ადამიანი, რომ ეროვნულმა ნაკრებმა მოახერხა ის, რაც ჩემმა თაობამ ვერ მოახერხა...“ - კახა კალაძის პროგნოზი ევროპის ჩემპიონატზე

დღეს ქართული ფეხბურთისთვის ისტორიული დღეა - საქართველოს ეროვნული ნაკრები ევროპის ჩემპიონატზე სადებიუტო შეხვედრას გამართავს. ქალაქ დორტმუნდში „სიგნალ იდუნა პარკზე“ ქართველების მეტოქე თურქეთის გუნდი იქნ...

კახა კალაძე

1718699306

საზოგადოება

24 ივნისიდან ერევნიდან ბათუმში მატარებელი იმოძრავებს

ერევანი-ბათუმი-ერევნის მიმართულებით 24 ივნისიდან სამგზავრო მატარებელი იმოძრავებს., ამის შესახებ „სამხრეთ კავკასიის რკინიგზა“ იუწყება. ინფორმაციას „ეხო კავკაზა“ ავრცელებს. „დადგა ზაფხული, შვებულებების...

იტალია

1718696547

ახალი ამბები

კიბერთაღლითობისა და განსაკუთრებით დიდი ოდენობით ფულის გათეთრების ფაქტებზე სისხლისსამართლებრივი დევნა უცხო ქვეყნის 2 მოქალაქისა და 2 იურიდიული პირის მიმართ დაიწყო

საქართველოს პროკურატურამ მორიგი ტრანსნაციონალური დანაშაული გახსნა და კიბერთაღლითობისა და განსაკუთრებით დიდი ოდენობით ფულის გათეთრების ფაქტებზე სისხლისსამართლებრივი დევნა უცხო ქვეყნის ორი მოქალაქისა და...

აა

1718692170

სოციალური მედია

„მე საერთოდ ბუნებით სამშობლოს მოღალატე არ ვარ, მაგრამ რომ მოვიგებთ და თურქების აჭრილი ფანები თუ გადამეყარენ სადმე ახლავე გაფრთხილებთ გადავდივარ იმგენისკენ“ - რას წერს დათო ლიკლიკაძე

დღეს, 18 მაისს ქართული ფეხბურთისთვის ისტორიული დღეა - საქართველოს ეროვნული ნაკრები ევროპის ჩემპიონატზე სადებიუტო შეხვედრას გამართავს. ქალაქ დორტმუნდში „სიგნალ იდუნა პარკზე“ ქართველების მეტოქე თურქეთის...

ჟურნალისტი