იტალია - “Flussi”-ზე განაცხადების მიღება 27 მარტიდან დაიწყება

"2023 წლის 26 იანვარს ძალაში შევიდა იტალიის მინისტრთა საბჭოს პრეზიდენტის 2022 წლის 29 დეკემბრის დეკრეტი (ე.წ. “Decreto flussi“) მიგრაციული ნაკადების შესახებ."

ამის შესახებ ინფორმაციას იტალიაში საქართველოს საელჩო ავრცელებს:

"დეკრეტი განსაზღვრავს იტალიის ტერიტორიაზე უცხოელი მუშახელის (იგულისხმება ევროკავშირის არაწევრი ქვეყნების მოქალაქეები) შესვლის კვოტას.

დეკრეტში საქართველო პირველად მოხვდა, რაც საქართველოს მოქალაქეებს შესაძლებლობას აძლევს იტალიაში, დაქვემდებარებული, სეზონური და არასეზონური სამუშაოს შესრულების მიზნით დასაქმდნენ.

იმისათვის, რომ  საქართველოს მოქალაქემ, დასაქმების მიზნით, იტალიის ტერიტორიაზე შესვლა შეძლოს, იტალიელმა დამსაქმებელმა იტალიის კომპეტენტურ ორგანოში უნდა წარადგინოს ინდივიდუალური და სახელობითი მოთხოვნა.

იტალიის შესაბამისი ინსტიტუციების მიერ განცხადებების მიღება დაიწყება 2023 წლის 27 მარტიდან, მითითებულ ვებ-გვერდზე:

https://portaleservizi.dlci.interno.it/AliSportello/ali/home.htm

დეკრეტის პირობებთან და პროცედურებთან დაკავშირებული დეტალური ინფორმაციისთვის, გთხოვთ, ეწვიოთ  იტალიის რესპუბლიკის შრომის და სოციალური პოლიტიკის სამინისტროს  ვებ-გვერდს:

https://www.integrazionemigranti.gov.it"

ასევე დაგაინტერესებთ:

🔵 იტალიის ჩრდილოეთში მცხოვრებ საქართველოს მოქალაქეთა საყურადღებოდ!

🔵 საჭირო და აუცილებელი რჩევები მათთვის, ვინც იტალიაში ცხოვრობს ან ცხოვრებას გეგმავს