Super Green Pass-ის გარეშე იტალიაში ვეღარ იმუშავებ?!

იტალიის მთავრობა მსჯელობს საკითხზე რომ რაც შეიძლება მეტ მოქალაქეს, (მათ შორის აქცენტი კეთდება დასაქმებულ მოქალაქეებზე) დაუწესდეს აცრის გაკეთების ვალდებულება და გაზარდოს ,,სუპერ მწვანე პასპორტიანთა" რაოდენობა ქვეყანაში. ბოლო დროს აქტიურად მიმდინარეობს საუბარი ვაქცინაციის ვალდებულების საკითხზე დასაქმებულ მოქალაქეებში, თუმცა მთავრობას კარგად ესმის რომ ყველა მათგანს ამის ვალდებულებას ვერ დააკისრებს.

მთავრობის კაბინეტში განსახილველად მზაადა დოკუმენტი, რომელიც შეეხება საჯარო თუ კერძო სექტორში დასაქმებულთა ვაქცინაციის შესახებ ვალდებულების დაკისრებას, რა კატეგორიისთვის გახდება სავალდებულო ,,სუპერ მწვანე პასპორტი" უახლოეს პერიოდში გახდება ცნობილი. 

რაც შეეხება 12-დან 18 წლამდე მოქალაქეებს, მათ 10 იანვრიდან შეეძლებათ ვაქცინის მესამე დოზა გაიკეთონ.

,,სუპერ მწვანე პასპორტის" ქონის ვალდებულება ამ დრომდე  60 წლის ზემოთ მყოფ მოქალაქეებს ეხებათ, მათ შორის დასაქმებულებს. რაც შეეხება დისტანციურად მომუშავე მოქალაქეთა ვალდებულებას ,,სუპერ მწვანე პასპორტთან" დაკავშირებით, დაავალდებულებს თუ არა მათ იტალიის მთავრობა ვაქცინის გაკეთებაზე ჯერჯერობით უცნობია, ვინაიდან ამ საკითხზე მიმდინარეობს დისკუსია. შეთანხმდებიან თუ არა მთავრობასთან ერთად რეგიონების გუბერნატორები და პარტიების წარმომადგენლები მალე გახდება ცნობილი. 

ახალი ბრძანებულება, რომელსაც მთავრობა ამზადებს ისევ და ისევ კოვიდ პანდემიის შესაჩერებლად არის გამიზნული, რომ რაც შეიძლება მეტი მოქალაქე დაავალდებულონ იმუნიზაციის პროცესში ჩართვისაკენ.

ნონა გედენიძე სპეციალურად ExclusiveTV.ge-სთვის ემილია-რომანიადან