გიორგი გაბუნია: „დიფ სთეითმა“ წინა პლანზე წამოსწია დიდი ბრიტანეთი და შესაბამისად გვაქვს მოლოდინი, რომ უახლოეს მომავალში სწორედ დიდი ბრიტანეთი იქნება გამოყენებული იარაღად საქართველოს წინააღმდეგ

 ჩვენ ვხედავთ, რომ არ წყდება მცდელობები საქართველოს შიდა პოლიტიკურ პროცესებში დესტრუქციის შემოტანის, - განაცხადა საპარლამენტო უმრავლესობის წევრმა, კულტურის კომიტეტის თავმჯდომარემ გიორგი გაბუნიამ ჟურნალისტებთან საუბრისას.

მისი თქმით, „დიფ სთეითმა“ წინა პლანზე წამოსწია დიდი ბრიტანეთი და შესაბამისად არის მოლოდინი, რომ უახლოეს მომავალში სწორედ დიდი ბრიტანეთი იქნება გამოყენებული იარაღად საქართველოს წინააღმდეგ.

„ჩვენ კარგად გვახსოვს, რომ USAID-ი წლების განმავლობაში ხარჯავდა საქართველოში უზარმაზარ ფინანსურ რესურსებს იმისთვის, რომ მოწყობილიყო სამოქალაქო არეულობები, მომხდარიყო რევოლუცია, თუმცა საბედნიეროდ ამ მცდელობებმა ფუჭად ჩაიარა, შესაბამისად USAID-ი უკანა პლანზე გადაწიეს და ასპარეზზე გამოჩნდა ახალი ბრიტანული ფინანსური რესურსი, კერძოდ ჩვენ ვნახეთ ბრიტანეთის საგარეო საქმეთა სამინისტროს განცხადება. ფაქტი ფაქტად რჩება, რომ „დიფ სთეითმა“ წინა პლანზე წამოწია დიდი ბრიტანეთი და შესაბამისად გვაქვს მოლოდინი, რომ უახლოეს მომავალში სწორედ დიდი ბრიტანეთი იქნება გამოყენებული იარაღად საქართველოს წინააღმდეგ“, - აღნიშნა გიორგი გაბუნიამ.

მან ასევე საზოგადოებას მიმართა და აღნიშნა, რომ არ აქვს მნიშვნელობა ამერიკული ფული დაიხარჯება თუ ბრიტანული იმისათვის, რომ მოხდეს საქართველოში არეულობა, შესაბამისად საქართველოს ხელისუფლება იმოქმედებს ყველა ხელთარსებული საშუალებით, რომ სამართლებრივ ჩარჩოში ყველას გაეცეს ადეკვატური პასუხი.

„მე ერთი რამე მინდა ვუთხრა საზოგადოებას, რომ ჩვენთვის არანაირი მნიშვნელობა არ აქვს საქართველოში, ქართულ პოლიტიკაში რომელი ფული დაიხარჯება - ამერიკული ფული დაიხარჯება თუ ბრიტანული. მათი მიზნები და ამოცანები არ იცვლება. ეს მიზანი არის ერთი - როგორმე საქართველოში მოხდეს სამოქალაქო არეულობა, როგორმე საქართველოში განვითარდეს რევოლუციური სცენარები. შესაბამისად, ჩვენ გვმართებს სიფხიზლე, გვმართებს გონიერება და ერთი რამ მინდა ვუთხრა საზოგადოებას, რომ ჩვენ არავის არ მივცემთ უფლებას, რომ საქართველოს სუვერენიტეტი შეილახოს, საქართველოს დამოუკიდებლობა დადგეს კითხვის ნიშნის ქვეშ და საქართველოს ხელისუფლება იმოქმედებს ყველა ხელთარსებული საშუალებით, რომ სამართლებრივ ჩარჩოში ყველას გაეცეს ადეკვატური პასუხი“, - განაცხადა გიორგი გაბუნიამ.