ქალბატონი ეკატერინე რომ ყოფილიყო თანამდებობაზე, დარწმუნებული ვარ, რომ დღეს აქ არათუ ერთი ბრიგადა რამდენიმე იქნებოდა - ანზორ მელია

"მე როგორც მამა ჩემი შვილის და როგორ კოლეგების მეგობარი, არ მაქვს უფლება სამსახურში მშვიდად ვიჯდე, არ მოვიდე და არ დავინტერესდე ამ ხალხის ჯანმრთელობით", - ამის შესახებ ექიმმა ანზორ მელიამ "ნაციონალური მოძრაობის" ოფისთან მოშიმშილეების მონახულების შემდეგ განაცხადა.

მისი თქმით, დღეს ჯანდაცვის მინისტრი ეკატერინე ტიკარაძე რომ ყოფილიყო, მოშიმშილეების კარვებთან სასწრაფოს რამდენიმე ბრიგადა იდგებოდა.

"პრობლემები უკვე გამოჩნდა, მაგრამ იმდენად არიან თავგადადებულები არ მიჯერებენ. არ შეიძლება ასე, როგორც შეიძლება შაქრიანი დიაბეტი ჰქონდეს ადამიანს და ის შიმშილობდეს, ან მეორეს ღვიძლის ფუნქციები არ ჰქონდეს წესრიგში და შიმშილობდეს.

ქალბატონი ეკატერინე რომ ყოფილიყო თანამდებობაზე, მე დარწმუნებული ვარ, რომ დღეს აქ არათუ ერთი ბრიგადა, რამდენიმე ბრიგადა იქნებოდა, მაგრამ არ ჰყავთ მეთაური და "ოცნება" რასაც აკეთებს, ჩემზე უკეთ იცით, მაგათ თუ გაწყდება მთლიანად "ნაციონალები", ის გაუხარდებათ", - განაცხადა ანზორ მელიამ.

ცნობისთვის, მასობრივი შიმშილობის აქციის დაწყების გადაწყვეტილება 21 დეკემბერს, პარლამენტის წინ აქციაზე შეკრებილებს "ნაციონალური მოძრაობის" თავმჯდომარემ, ნიკა მელიამ გააცნო.

ნაციონალური მოძრაობის" ცენტრალურ ოფისთან გაშლილ კარვებში პარტიის წევრები და მხარდამჭერები შიმშილობენ.

ასევე დაგაინტერე­­­­სებთ:

🔵არასაკმარისად უტიფარი მოადგილე იყო კობახიძესი - გიგი უგულავა კახა კუჭავას გადადგომაზე

🔵პარლამენტში კახა კუჭავას, გია ცაგარეიშვილი ჩაანაცვლებს

🔵სააფთიაქო ქსელის 279 ფილიალში უკანონო თვალთვალი მიმდინარეობდა