რეპერი შონ კომბსი [Diddy] ტრეფიკინგსა და პროსტიტუციისთვის ხელშეწყობის ბრალდებით დააკავეს

ამერიკელი რეპერი, პროდიუსერი შონ კომბსი [Diddy] ტრეფიკინგსა და პროსტიტუციისთვის ხელის შეწყობის ბრალდებითაა დაკავებული.

გასულ კვირას მისი დაპატიმრება ნიუ-იორკში მოხდა მთელი რიგი სამოქალაქო საჩივრების ფონზე.  ბრლდებული რეპერ დანაშაულს უარყოფს.

პროკურატურის მტკიცებით, კომბსი ბრალდებულია რამდენიმედღიანი დახურული ღონისძიებების დროს დიდი ოდენობის ნარკოტიკის მოხმარებასა და ამ ღონისძიებებზე სექსტრეფიკინგში. გავრცელებული ცნობით,  წვეულებაზე მყოფ ქალებს ხშირ შემთხვევაში სქესობრივ კავშირს აიძულებდნენ და ნარკოტიკს მათი ნების საწინააღმდეგოდ აძლევდნენ.

პროკურორების განაცხადებით, რეპერი წვეულებებზე გადაღებულ ვიდეოებს მანიპულაციისა და შანტაჟისთვის იყენებდა. ცნობილ რეპერთან ერთად ამ დანაშაულებრივ საქმიანობაში სხვა პირებიც იყვნენ ჩართული, თუმცა ამ დროისთვის არავინაა დაკავებული. ჩხრეკისას მის სახლში აღმოაჩინეს ცეცხლსასროლი იარაღი, საბრძოლო მასალა და 1000-ზე მეტი ბოთლი ლუბრიკანტი.

გავრცელებული ინფორმაციით, ამ წვეულებებს ჰოლივუდის ცნობილი წარმომადგენლებიც ესწრებოდნენ.

მისი იურისტები ცდილობდნენ მის გათავისუფლებას გირაოს მეშვეობით, მაგრამ მოსამართლეებმა ორჯერ უარყვეს გირაო. ბრალის დამტკიცების შემთხვევაში მას 15 წლამდე თავისუფლების აღკვეთა ემუქრება.