ეროვნული თანხმობის პროცესი არის რთული კომპლექსური პროცესი - პრეზიდენტის ადმინისტრაცია განცხადებას ავრცელებს

ეროვნულ თანხმობის პროცესთან დაკავშირებით, რომლის ფარგლებშიც სალომე ზურაბიშვილი შეხვედრებს სხვადასხვა საზოგადოებრივ ჯგუფებთან მართავს, პრეზიდენტის ადმინისტრაცია განცხადებას ავრცელებს.

"პრეზიდენტის ინიციატივით წამოწყებული ეროვნული თანხმობის პროცესი არის რთული კომპლექსური პროცესი, რომელიც არის ღია და გამჭვირვალე და არანაირად არ ატარებს საიდუმლო ხასიათს. ბოლო დღეებია ვრცელდება სხვადასხვა ინფორმაცია, რომლის წყაროც არ არის პრეზიდენტის ადმინისტრაცია.

ეროვნული თანხმობის პროცესის დასაწყისში პრეზიდენტი უსმენს ყველას, მართავს შეხვედრებს და დაინტერესებულია სხვადასხვა საზოგადოებრივი ჯგუფების მოსაზრებებით, ინიციატივებითა თუ პოზიციებით, ეს ყოველივე არის ერთი მთლიანი ეროვნული თანხმობის პროცესის ნაწილი.

აღსანიშნავია ის ფაქტი, რომ ამ პროცესში ჩართულები არიან არა მხოლოდ პოლიტიკური პარტიები, არამედ საზოგადოება და  მათ შორის, მსხვერპლთა საკითხებზე მომუშავე არასამთავრობო ორგანიზაციების წარმომადგენლები.

საქართველოს პრეზიდენტმა შეხვედრები უკვე გამართა საქართველოს პატრიარქთან, საქართველოს მეოთხე პრეზიდენტთან, გიორგი მარგველაშვილთან და პოლიტიკური პარტიების წარმომადგენლებთან. პროცესი გრძელდება და პრეზიდენტი შეხვედრებს აქტიურ რეჟიმში განაგრძობს." - ნათქვამია განცხადებაში.

ასევე დაგაინტერესებთ:

🔵მზად ვარ, ნებისმიერ დროს შევხვდე გიორგი მარგველაშვილს - მიხეილ სააკაშვილი

🔵თვითმფრინავი ისე ირყეოდა, რომ ყველა მგზავრი, ათეისტებიც კი განწირული მზერით კითხულობდნენ გადარჩენის ლოცვებს - ილია ჩაჩიბაია

🔵5-7-მა პოლიციელმა, ეს უგონოდ მთვრალი კაცი სცემა, აგინეს, დაასისხლიანეს... მეც რამდენიმე ადამიანი საკმაოდ დიდი ხანი  მირტყამდა - გიორგი არობელიძე