„როგორც საჯარო, ასევე კულუარულად, ომში ჩართვისა და სანქციების დაწესების დაჟინებული მოთხოვნა იყო“ - დავით მათიკაშვილი

პარლამენტის საპროცედურო საკითხთა და წესების კომიტეტის თავმჯდომარე, დავით მათიკაშვილი პარლამენტის თავმჯდომარის, შალვა პაპუაშვილის ფეისბუკპოსტს გამოეხმაურა, სადაც პაპუაშვილი წერს, „ვინმეს თუ აღარ ახსოვს, როგორ გვითრევდნენ ომსა და ნგრევაში...“.

„არსებობს არქივი, მეხსიერება და ვერ წაშლიან იმ პირდაპირ, დაჟინებულ მოთხოვნას, რომელიც საქართველოსთან მიმართებით იყო როგორც უკრაინის, ევროკავშირის კონკრეტული ჩინოსნების, ასევე შეერთებული შტატების წინა ადმინისტრაციის კონკრეტული წარმომადგენლების მხრიდან. არა თუ მოთხოვნები, ბორტების გამოგზავნის მცდელობაც იყო საქართველოში, რომ საქართველოდან მომხდარიყო მეომრების გაგზავნა უკრაინაში. იყო დაჟინებული მოთხოვნა, როგორც საჯარო, ასევე კულუარულად, როგორც ომში ჩართვის, ასევე სანქციების დაწესების. იყო საქართველოს გამოყენების მცდელობა, როგორც ეს მოხდა უკრაინის შემთხვევაში ამ ომის პერიპეტიებისთვის. რომ არა „ქართული ოცნების“ პრინციპული პოზიცია, „ქართული ოცნების“ და ქართველი ხალხის ურყევი მხარდაჭერა, ჩვენ ისევ დიდ უბედურებაში გავეხვეოდით, რაშიც არის, სამწუხაროდ, ჩვენი მეგობარი უკრაინა,“ - აცხადებს დავით მათიკაშვილი.

„ვინმეს თუ აღარ ახსოვს, როგორ გვითრევდნენ ომსა და ნგრევაში. უკრაინის პრემიერ-მინისტრი საქართველოს მოქალაქეებს მოუწოდებს, საქართველოს მთავრობა აიძულონ, უკრაინაში მებრძოლები გაგზავნოს. პარალელურად, რადიკალური ოპოზიცია და „ენჯეოები“ საპროტესტო აქციას აორგანიზებენ.2022 წლის 28 თებერვალი. ომი ოთხი დღის დაწყებულია“, - წერს პაპუაშვილის სოციალურ ქსელში.