„თავისუფლად შეგვიძლია 60%-ზე მეტის მიღება, ეს არის სოციოლოგიურ კვლევაზე დაფუძნებული განაცხადი, არც მეტი, არც ნაკლები“ - ირაკლი კობახიძე
„თუ გავითვალისწინებთ წარსულის გამოცდილებას და დღევანდელ რეიტინგს, რეალურად თავისუფლად შეგვიძლია 60%-ზე მეტის მიღება; ეს არის სოციოლოგიურ კვლევაზე დაფუძნებული განაცხადი, არც მეტი, არც ნაკლები“, - ამის შესახებ საქართველოს პრემიერ-მინისტრმა ირაკლი კობახიძემ გადაცემა „ღამის კურიერში“ განაცხადა.
მთავრობის მეთაურის თქმით, გარდა ამისა, ყოველ ჯერზე, საარჩევნო კამპანიის დაწყების შემდეგ, მმართველი გუნდი შედეგის რამდენიმე პროცენტით ზრდას ახერხებს.
„შეგიძლიათ, ნახოთ 2021 წლის 2020 წლის განცხადებები, 2020 წელს იყო მომენტი, როდესაც ჩვენი რეიტინგი 60%-ს აჭარბებდა, ეს იყო კოვიდის პერიოდი, გახსოვთ მაშინ ვითარება, ეს იყო აპრილი-მაისი-ივნისი, თუმცა შემდეგ კოვიდის ციფრები გაიზარდა და შესაბამისად, რეიტინგი დაბლა ჩამოვიდა, რაღაც მომენტში იყო 60%, მაგრამ მაშინაც, 2020 წლის საპარლამენტო არჩევნების წინა დღეებში ჩვენ ვამბობდით, რომ ველოდებოდით ყოველი მეორე ამომრჩევლის ხმის მიღებას.
ეს ნიშნავს დაახლოებით 50%-ს და ავიღეთ 48% ამ არჩევნებში. ზუსტად იგივე განცხადებებს ვაკეთებდით 2021 წლის თვითმმართველობის არჩევნების წინ და ვამბობდით, რომ ველოდებოდით ყოველი მეორე ამომრჩევლის ხმის მიღებას, დაახლოებით 50%-ს და იქაც ავიღეთ 47%. რასაც ვამბობდით, საზოგადოებას არ ვატყუებდით. აქვე შეგიძლიათ, ნახოთ ოპოზიციის ძველი განცხადებები, სადაც ამტკიცებდნენ, რომ იგებდნენ არჩევნებს და საბოლოო ჯამში ასრულებდნენ მორიგი მარცხით ყველა არჩევნებს.
ყოველ ჯერზე ატყუებდნენ საკუთარ ამომრჩეველს. ამით მათი ამომრჩეველიც დაიღალა და ერთ-ერთი მიზეზი სხვათა შორის რატომაც დაბალი რეიტინგი აქვთ, ესეც არის - გამუდმებით ტყუილში აცხოვრებდნენ იგივე საკუთარ მხარდამჭერებს.
ჩვენ არასოდეს გვითქვამს 60%, არც 2020 და არც 2021 წელს. თუ ეს ჩვენი წინასაარჩევნო პროპაგანდის ნაწილია, მაშინაც ვიტყოდით 60%-ს, მოცემულობა თუ იგივეა და დღესაც გვაქვს 50%-მდე, რატომ ვიტყვით 60%-ს? ეს არ არის ჩვენი ამოცანა. ჩვენი ამოცანაა ის, რაც დღეს არის ასახული რეიტინგებში და დღეს გვაქვს დაახლოებით 60% რეიტინგი და ჩვენი განცხადებების საფუძველი არის სწორედ რეიტინგი. როცა არ გვქონდა 60% 2020 და 2021 წლებში, არც ვამბობდით 60%-ს, ვაკეთებდით განსხვავებულ განცხადებებს, მაგრამ ახლა, კვლევების თანახმად გვაქვს დაახლოებით 60% და ამიტომ ვსაუბრობთ ამაზე.
გარდა ამისა, ყოველ ჯერზე, როდესაც ვიწყებთ საარჩევნო კამპანიას, ვახერხებთ ხოლმე რამდენიმე პროცენტით შედეგის ზრდას, შესაბამისად გვაქვს ყველანაირი საფუძველი, რომ 60%-ზე მეტიც ავიღოთ ამ არჩევნებში. რა თქმა უნდა, სამი თვე არის ძალიან ბევრი დრო და არ უნდა მოვდუნდეთ, მაგრამ თუ გავითვალისწინებთ წარსულის გამოცდილებას და დღევანდელ რეიტინგს, რეალურად თავისუფლად შეგვიძლია 60%-ზე მეტის მიღება. ეს არის სოციოლოგიურ კვლევაზე დაფუძნებული განაცხადი, არც მეტი, არც ნაკლები“, - აღნიშნა პრემიერმა.
1729178355
ჰოროსკოპი„არ არის კარგი ხელშეკრულების დადება და მოგზაურობაში წასვლა“ - 18 ოქტომბრის ასტროლოგიური პროგნოზი და გაფრთხილება საზოგადოებას
ასტროლოგი ხათუნა ნოელი სოციალურ ქსელში ყოველდღიურ ასტროლოგიური პროგნოზს აქვეყნებს და საზოგადოებას რჩევებს უზიარებს. ამჯერად, მან ვიდეომიმართვა გაავრცელა, სადაც 18 ოქტომბრის შესახებ ისაუბრა და საზოგადო...
1729173596
საზოგადოებათბილისში თენგიზ ცერცვაძის სახელობის კლინიკა გაიხსნა
თბილისში თენგიზ ცერცვაძის სახელობის კლინიკა გაიხსნა - ინფორმაციას საქართველოს მთავრობა ავრცელებს. ინფორმაციაში ნათქვამია, რომ ახალი ინფექციური ჰოსპიტალი 83 საწოლზეა გათვლილი და ამბულატორიული განყოფილე...
1729171895
საზოგადოებაცესკოს თავმჯდომარე საარჩევნო სისტემების საერთაშორისო ფონდის (IFES) წარმომადგენლებს შეხვდა
ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი საარჩევნო სისტემების საერთაშორისო ფონდის (IFES) პროგრამის ვიცე-პრეზიდენტს კატერინა ელენას, (IFES) საქართველოს წარმომადგენლობის დ...
1729170607
ახალი ამბებივალუტის კურსი
საქართველოს ეროვნულმა ბანკმა ვალუტის ახალი კურსი დაადგინა. 17 ოქტომბრის ვაჭრობის შედეგად აშშ დოლარი გამყარდა და 2.7171 ლარი გახდა. კურსი, რომელიც დღეს მოქმედებდა, 2.7143 ლარი იყო. გაუფასურდა ევრო, რომ...
1729167308
სოციალური მედიათამო ვაშალომიძემ იმიჯი შეიცვალა? - ნახეთ, რა ფოტოებს აქვეყნებს მოდელი
თამო ვაშალომიძის სახელი და გვარი პირველად საზოგადოებამ წლების წინ გაიგო, როცა მან ყურადღება თამამი ფოტო სესიებით და განცხადებებით მიიპყრო. თამო პროფესიით ფოტო მოდელია და ხშირად ჩანს სხვადასხვა კამპანი...