ათენის პოლიციამ, 30 უცხოელი "ჯიბის ქურდი" დააკავა

საბერძნეთის სამართალდამცავი ორგანოების, მიერ გავრცელებული ინფორმაციით, დააკავეს დანაშაულებრივი დაჯგუფების წევრი 30 იმიგრანტი (უცხოელი), რომლებიც გუნდური მოქმედებით ძარცვავდნენ  საზოგადოებრივი ტრანსპორტის მგზავრებს.

დაკავებულია 20 ალბანელი, 8 პაკისტანის, 1 რუმინელი და 1 ბანგლადეშის მოქალაქე. გავრცელებული ინფორმაციით, ძებნაში იმყოფებიან, კონკრეტული დანაშაულებრივი ორგანიზაციის თანამზრახველი კიდევ 9  იმიგრანტი.

დანაშაულებრივი ორგანიზაციის წარმომადგენელი პირების დაკავება განხორციელდა ათენის პოლიციის მიერ წარმოებული სპეცოპერაციის საფუძველზე. 

საბერძნეთის პოლიციის ინფორმაციით, დაკავებულებმა 2021 წლის დასაწყისიდან ჩამოაყალიბეს, დანაშაულებრივი ორგანიზაცია, რომელიც ყოველდღიურად მათ მიერ შემუშავებული სქემით, ძარცვავდნენ საზოგადოებრივი ტრანსპორტის მგზავრებს.

პოლიციის ინფორმაციით, დანაშაულებრივი ორგანიზაციის მთავარი პირები, საზოგადოებრივ ტრანსპორტში ან სადგურებზე, ქურდობის სიმარტივის კრიტერიუმის მიხედვით ირჩევდნენ პოტენციურ მსხვერპლს, რის შემდეგაც დაჯგუფების სხვა წევრები, საკუთარი როლების მიხედვით მუშაობდნენ მსხვერპლის გასაძარცვად. ძირითადად ისინი არჩევდნენ პიკის საათს, როდესაც საზოგადოებრივი ტრანსპორტი გადატვრითული იყო, ამავე დროს ისინი მსხვერპლის ირგვლივ ქმნიდნენ, ხელოვნურ "საცობს", რაც  კიდევ უფრო ამარტივებდა მათი მიზნის სისრულეში მოყვანას.

ამ დროისთვის პოლიციის გამოძიების შედეგად გამოვლინდა 81 ქურდობა, საიდანაც ფინანსური სარგებელი 50 000 ევროს აჭარბებს.

ასევე საინტერესოა

🔴საბერძნეთმა შეამსუბუქა ქვეყანაში შესვლის რეგულაციები საქართველოსთვის და ევროკავშირის არაწევრი სხვა 32 ქვეყნისთვის

🔴საბერძნეთში შესასვლელად, ვაქცინაციის სერტიფიკატის მფლობელთათვის კორონავირუსის ტესტის გაკეთება სავალდებულო აღარ იქნება

🔴ათენის უნივერსიტეტი უკვე მეხუთედ მსოფლიოს 100 საუკეთესო უნივერსიტეტის სიაში მოხვდა