საბერძნეთში, 8 წლით პატიმრობა მიესაჯა დედას, რომელიც 3 შვილს სავალალო პირობებში ზრდიდა და მათხოვრობას აიძულებდა -"ვეუბნებოდი, რომ ტარაკნები პეპლები არიან"

 მაქსიმალური სასჯელი, 8 წლით თავისუფლების აღკვეთა მიუსაჯა საბერძნეთის პოლიციამ სამი მცირეწლოვანი ბავშვის დედას და მის მეგობარ კაცს, რომლებიც ბავშვებს არაადამიანური ცხოვრების პირობებით, თაგვებითა და ტარეკნებით სავსე სახლში ზრდიდნენ და ქუჩაში მათხოვრობას აიძულებდნენ.  

ბერძნული მედიის ინფორმაციით, 30 წლის დედას, საკუთარი არასრულწლოვანი შვილების სიცოცხლის საფრთხის წინაშე დაყენებისთვის, რვა წლით თავისუფლების აღკვეთა მიუსაჯეს. როგორც ცნობილი ხდება დედამ პოლიციელებთან საუბარში აღნიშნა, რომ შვილებს აჯერებდა რომ ტარაკნები პეპლები იყვნენ.  

გავრცელებული ინფორმაციით, სამ შვილზე მეურვეობა მათ მამას გადაეცა, რომელიც შვილებთან დაკავშირებას გასული წლიდან ცდილობდა თუმცა, დედა ამის საშუალებას არ აძლევდა. მეზობლების ჩარევის შედეგად მამამ გაიგო ბავშვების ცხოვრების პირობების შესახებ, რის შემდეგაც საქმეში პოლიცია ჩართო.  სახლში შესულმა სამართალდამცველებმა 2, 3 და 6 წლის ბავშვები უკიდურესად სავალალო პირობებში აღმოაჩინეს.  

სახლიდან გამოყვანილი მცირეწლოვანი ბავშვები, ბავშვთა საავადმყოფოში გადაიყვანეს, სადაც ამ დრომდე გადიან მკურნალობას, მათ ხელებზე და ფეხებზე თაგვებისა და მწერების ნაკბენები აქვთ.  

შეგახსენებთ, რომ ათენში, პატისიონზე, აგიოს პანტელეიმონის ტერიტორიაზე, სამი მცირეწლოვანი ბავშვის შემაძრწუნებელი ცხოვრების პირობების შესახებ მას შემდეგ გახდა ცნობილი, რაც მამამ ბავშვების დედის და მისი მეგობარი კაცის წინააღმდეგ პოლიციაში საჩივარი შეიტანა.

შოკის მომგვრელია ბავშვების მამის ნაამბობი, სადაც აღწერს იმ სურათს, რომელიც ნახა ბინაში, სადაც  მისი 30 წლის  ყოფილი მეუღლე შვილებთან და ახალ პარტნიორ კაცთან ერთად ცხოვრობდა.  

მისი გადმოცემით კარების გაღებისთანავე დაინახა ორ "მიტყუპებულ" ლოგინზე მწოლიარე ბავშვები, რომლებსაც ზევიდან ტარაკნები დასდიოდნენ.

მამა აღნიშნავს, რომ სურათი იმდენად საშინელი იყო, რომ მის დანახვაზე გული წაუვიდა. 

ასევე საინტერესოა

🔵

🔵ათენის ცენტრში ცნობილმა ბერძენმა დიზაინერმა, უკრაინის მხარდამჭერი და ომის საწინააღმდეგო ჩვენება გამართა

🔵თესალონიკში საქართველოს გენერალურ საკონსულოსა და მაკედონიის უნივერსიტეტს შორის, ქართული ენის უფასო სწავლების თანამშრომლობის შეთანხმებას მოეწერა ხელი