იტალიის პრემიერის პოლიტიკური განცხადება - „ემიგრანტები, არა როგორც საფრთხე, არამედ რესურსი“

იტალიის პრემიერ მინისტრი, მარიო დრაგი ემიგრანტებზე: „ჩვენ უნდა გავაძლიეროთ ლეგალური არხები, ისინი რესურსია და არა საფრთხე“

დღეს ბრიუსელში ევრო საბჭო, რამდენიმე საკითხთან ერთად, მიგრანტების საკითხსაც განიხილავს: „იტალია ამ საკითხს კვლავ აბსოლუტური მონდომებით აყენებს, მიუხედავად იმისა, რომ ბოლო თვეების განმავლობაში, ქვეყანაში მიგრანტთა ჭარბი რაოდენობით შესვლა ხდება.“- ნათქვამია იტალიური მედიის მიერ გავრცელებულ ინფორმაციაში.

„მიგრანტთა შემოსვლის ყოველთვიური მაჩვენებელი არასოდეს ჩამოსულა 6 900-ზე ქვემოთ, ივლისის შემდეგ და პიკს მიაღწია, აგვისტოში იტალიაში 10 000-ზე მეტი მიგრანტი შევიდა. 14 დეკემბრის მდგომარეობით, იტალიაში ემიგრანტის სტატუსით, წელს 63 062 ადამიანი დაფიქსირდა. 2019 წელს 11 097, 2020 წელს კი 32 919. ამავდროულად, პანდემიური შეზღუდვების დაწესებასთან ერთად, შეწყდა იტალიაში ჩამოსული მიგრანტების სპორადული გადანაწილება ევროპის ქვეყნებს შორის. იტალია გააგრძელებს საერთო, დამხმარე, ჰუმანური და უსაფრთხო მენეჯმენტის მოთხოვნას. ევროკავშირმა უნდა დაამტკიცოს თავისი ღირებულებები, როგორც პაპი ფრანცისკეს ახლახან გავრცელებულ ინფორმაციაშია ნათქვამი.

იმ პირთა სიცოცხლისა და უფლებების დასაცავად, ვინც სამშობლოს გაქცევით ტოვებს, მესამე ქვეყნებიდან  აუცილებელია ჰუმანიტარული დერეფნების შექმნის ხელშეწყობა ევროკავშირის წევრი ქვეყნების მიერ.

ჰუმანიტარული დერეფნების შექმნის მკაფიო ევროპულ ვალდებულებაზე პასუხისმგებლობა არა მხოლოდ იტალიამ, არამედ დანარჩენმა ქვეყნებმაც უნდა აიღოს.  ჩვენ უნდა გავაძლიეროთ მიგრაციის ლეგალური არხები, რადგან ისინი წარმოადგენს რესურსს და არა საფრთხეს ჩვენი საზოგადოებისთვის“, - დასძინა პრეზიდენტმა დრაგიმ. 

ხათუნა შარაძე

აგრეთვე დაგაინტერესებთ:

📌 იტალიის 16 დეკემბრის ამინდის პროგნოზი

📌 იტალიაში 16 დეკემბერს გაფიცვაა - საზოგადოებრივი ტრანსპორტი შეზღუდული გრაფიკით იმუშავებს

📌 იტალია, ანტივაქსერ პოლიციელებს, სამუშაო კონტრაქტებს უჩერებს და იარაღის ტარებას უკრძალავს