ერთი წელი შოვის ტრაგედიიდან - ამბავი კურორტზე, რომელიც მოვარდნილმა ღვარცოფმა რამდენიმე წამში გაანადგურა

შოვის ტრაგედიიდან ერთი წელი გავიდა. ამ დღეს, 2023 წლის 3 აგვისტოს, რაჭაში, კურორტ შოვის ტერიტორიაზე გლაციალური ღვარცოფი ჩამოწვა, რასაც 32 ადამიანის სიცოცხლე ემსხვერპლა. ხოლო 29 აგვისტოს, სტიქიური უბედურების ზონაში სამაშველო სამუშაოებისას სამხედრო პირი დაიღუპა.

ტრაგედიის დღე:

ბუბისწყლის ხეობაში ადგილი ჰქონდა სტიქიური გეოლოგიური და ჰიდრომეტეოროლოგიური მოვლენების (მყინვარისინტენსიური დნობა, ნალექების მოსვლაწვიმისსახით, სათავეებში კლდეზვავის ჩამოშლა,მეწყრულ-ეროზიული პროცესებიდაღვარცოფისგავლა) თანხვედრას, რამაც ექსტრემალური ხასიათის ღვარცოფული ნაკადის ფორმირება გამოიწვია.

სტიქიური უბედურება კი დაახლოებით 16:00 საათზე დატრიალდა.

შედეგად, 26 ჰექტარ ტერიტორია და მასზე განლაგებული ტურისტული ნაგებობები ხუთი მილიონი კუბური მეტრი მიწის ტალახოვანმა მასამ დაფარა.

შოვის ტრაგედიას ემსხვერპლნენ:

▪️ ზაზა მესხი;
▪️მისი ორი არასრულწლოვანი ვაჟი;
▪️ალინა პოლიკოვსკა, ზაზა მესხის ცოლი და მისი არასრულწლოვანი ვაჟი, სევა;
▪️დავით ბერიაშვილი;
▪️სამირა ისაევა;
▪️გიორგი გოგინაშვილი;
▪️ქსენია ტრიჩევა;
▪️და-ძმა - მეგი და გიგი გუტაშვილები;
▪️ნინო კენჭაძე;
▪️და-ძმა მარიამ და კოტე მაისურაძეები და მათი დედა, შორენა ბიჭაშვილი
▪️გენადი სულთანიშვილი;
▪️და-ძმები - ლუკა, ანდრია, ანასტასია დუდაშვილები და მათი დედა, ნატო ჭელიძე;
▪️და-ძმა სოფი და გიორგი ყარალაშვილები;
▪️თემურ ჩარკვიანი;
▪️ნიკა ჩალაძე;
▪️სოფო ბაკურაძე;
▪️გვანცა ბუბაშვილი;
▪️სალომე ხეთაგური;
▪️დიტო ფირცხალავა;
▪️მარინა ხორბალაძე;
▪️ქეთევან ლობჟანიძე;
▪️მანანა ჯაჭვაძე;
▪️ლევან რაზმაძე.

2023 წლის 15 სექტემბერს, მთავრობის სხდომაზე გამოცხადდა, რომ შოვში ტრაგედიისას დაღუპულთა ოჯახები ერთჯერადი დახმარების სახით 20 ათას ლარს მიიღებდნენ.

რამ გამოიწვია სტიქიური მოვლენები?

გარემოს ეროვნული სააგენტომ, შვეიცარიელი ექსპერტების ჩართულობით, ექვსთვიანი კვლევების შემდეგ მოამზადა საბოლოო დასკვნა, რომელიც 69-გვერდს მოიცავს. დოკუმენტში მყინვარის და თოვლის საფარის ინტენსიური დნობა, წვიმა და ბუბისწყლის ხეობაში კლდეზვავის მოწყვეტა დამანგრეველი სტიქიის მთავარ მიზეზებად დასახელდა, ხოლო კატასტროფული ხასიათის გლაციალური ღვარცოფის წარმოქმნაში ადამიანური ზემოქმედების ფაქტორი გამოირიცხა.

ექსპერტებმა გასცეს რეკომენდაცია, რომ სტიქიური უბედურების ზონაში ახალი ინფრასტრუქტურის გაშენება და არსებული შენობების ფუნქციონირება უნდა აიკრძალოს.

კვლევაში ჩაიწერა, რომ მომავალში, ბუბისწყლის ხეობაში შესაძლოა გაცილებით მასშტაბური სტიქია განვითარდეს. შესაბამისად, დასკვნის ავტორებმა მოსალოდნელი საფრთხეებიდან გამომდინარე შოვში გადაადგილების წესების შემუშავებისა და გამაფრთხილებელი ნიშნების დამონტაჟების რეკომენდაცია გასცეს.