მიხეილ სააკაშვილი: ვინც მიესალმება დიალოგის შეთავაზებას, მეც თქვენს რიგებში ვარ

საქართველოს მესამე პრეზიდენტი მიხეილ სააკაშვილი, საქართველოს მეხუთე პრეზიდენტ სალომე ზურაბიშვილის მიერ წამოჭრილი დიალოგის შეთავაზებას მიესალმება.

"მე მინდა ვუთხრა ყველას, ვინც მიესალმება დიალოგის შეთავაზებას, რომ მეც თქვენს რიგებში ვარ.

მაგრამ, ისიც უნდა გვახსოვდეს, რომ მნიშვნელოვანია დავინახოთ შედეგი, და თან, დავინახოთ რაც შეიძლება სწრაფად.

ქვეყანაში შექმნილი უმძიმესი ვითარება ვერ აიტანს დაყოვნებას.

ამიტომაც, იმისათვის, რომ რეკონსილიაციის პროცესი დაჩქარდეს და რეალური კონტურები შეიძინოს, დაუყოვნებლივ მივაღწიოთ პოლიტიკური რეპრესიების შეწყვეტას და ქვეყნის განვითარებისთვის აუცილებელ პოლიტიკურ ცვლილებებს, 21 დეკემბერს ბევრნი უნდა ვიყოთ.

ცალკე მინდა მივმართო ჩემს მომხრეებს:

ვიცი, როგორ შეგტკივათ გული და როგორ დაუღალავად იბრძვით ჩემი თავისუფლებისა და სიცოცხლისთვის.

მინდა გაითვალისწინოთ, იმისათვის, რომ მე გამოვიდე ციხიდან, ჯერ თქვენ უნდა გამოხვიდეთ ქუჩაში და რაც შეიძლება მძლავრი მშვიდობიანი პროტესტი დაანახოთ ხელისუფლებას!

ეს დააჩქარებს კრიზისის დაძლევასაც და დიალოგსაც.

ეს უზრუნველყოფს ჩემს თავისუფლებასაც და ფიზიკურ გადარჩენასაც!

სხვანაირად საზოგადოების იგნორირება და მოტყუება გარდაუვალად გაგრძელდება.

ჩვენ დროის დაკარგვის ფუფუნება არ გვაქვს!

აბა თქვენ იცით!

გორის ჰოსპიტლიდან გგულშემატკივრობთ ყველას და, რაც მთავარია, ვგულშემატკივრობ, ვიბრძვი და ვლოცულობ ჩვენი სამშობლოსთვის!", - წერს მიხეილ სააკაშვილი.

16 დეკემბერს, ორბელიანების სასახლეში საქართველოს პრეზიდენტმა, სალომე ზურაბიშვილმა პოლიტიკური პარტიების წარმომადგენლებისათვის გამართულ წინასაახალწლო მიღებაზე შერიგების აუცილებლობაზე ისაუბრა.

ამავე თემაზე სიახლეები:

🔲 ხატია დეკანოიძე: მომეწონა, რაც სალომე ზურაბიშვილმა თქვა. სწორი გზავნილები იყო

🔲 სალომე ზურაბიშვილი: არავის არ უნდა, სიძულვილისა და ბოღმის ქვეყანაში იცხოვროს - ვგრძნობ ჩემს პირად პასუხისმგებლობას

🔲 პრეზიდენტი: ვალდებულად ვთვლი, რომ შერიგების პროცესი დავიწყო