"მთავრობის სხდომაზე არ დამიშვეს, თურმე წესებს ვარღვევ - ბევრ კითხვას ვსვამ, სხვაზე არ აქვთ პრობლემა" - რაც წერს "ტვ პირველის" ჟურნალისტი

"ტელეკომპანია პირველის" ჟურნალისტი, bm.ge-ის მთავარი რედაქტორი თელარა გელანტია, სოციალურ ქსელში წერს, რომ იგი მწვავე კითხვების დასმის გამო დღეს მთავრობის სხდომის შემდეგ ჟურნალისტებისთვის განკუთვნილ პრესკონფერენციაზე არ დაუშვეს.

"არ ვიცი, რა ვთქვა - საქართველოს მთავრობაში ამკრძალეს❗️

მოკლედ, დღეს მთავრობის სხდომაა - სიაში ჩავეწერე.

მე-10 წელია მთავრობის სხდომებს ვაშუქებ.

მივედი და არ შემიშვეს.

ოფიციალურ მიზეზად პრესსამსახურის თანამშრომელმა Nino Tskhadadze მითხრა, რომ თურმე წესებს ვარღვევ - ბევრ კითხვას ვსვამ და სხვა კოლეგებს ვაწუხებ და ა.შ. თან დაკვირვებაც აწარმოვეს თურმე ჩემზე და ეს მოიფიქრეს (ვიცი, ნინო არაფერ შუაშია - უთხრეს და მითხრა)🙂 (BMG-იდან მარტო მე ამკრძალეს დღეს - სხვაზე არ აქვთ პრობლემა)…

გონივრული ეჭვი მაქვს, მთავრობის ადმინისტრაცია გააღიზიანა ჩემმა სიუჟეტმაც (9 სექტემბერს გავიდა ეთერში) სადაც მოვყევით, როგორ ირღვევა კანონი და ორი წელია მთავრობის არცერთი განკარგულება არ გამოუქვეყნებიათ (კომენტარში დავდებ ლინკს)

Irakli Garibashvili მარტო მტერი გყავთ ირგვლივ - ყველა, მგონი, მხოლოდ იმას ცდილობს, რომ მაქსიმალურად ნეგატიური როლი გქონდეთ. 

Nino Giorgobiani მეგონა, პრემიერის იმჯისთვის კარგი გინდოდა ნინო. 
#წერტილი",- წერს ჟურნალისტი.

ასევე დაგაინტერესებთ:

* "ივანიშვილის დავალებით მე ვიმყოფებოდი ვლადიკავკაზში "ეფ ეს ბეს" საიდუმლო ბაზაზე, რადგან ღარიბაშვილის შეცვლის შემდეგ კომუნიკაციაში იყო წყვეტა - დღესაც მუშაობს ეს აწყობილი სისტემა" - გოგაშვილის მორიგი წერილი ციხიდან

* რუსეთმა ხარკოვი დაბომბა - არის მსხვერპლი