საქართველოს 7-კაცა ნაკრები ევროპულ თამაშებზე იასპარეზებს

ისტორიაში პირველად შვიდკაცა რაგბი ევროპული თამაშების პროგრამაშია და მასში საქართველოს ნაკრებიც მიიღებს მონაწილეობას. ევროპული თამაშები კრაკოვსა და მალოპოლსკაში გაიმართება. უშუალოდ შვიდკაცას ტურნირს 25-27 ივნისს მალოპოლსკა და შლიონსკი მასპინძლობს.

ვაჟთა ტურნირზე 12 ნაკრები იასპარეზებს: ბელგია, ჩეხეთი, ესპანეთი, დიდი ბრიტანეთი, საქართველო, გერმანია, ირლანდია, იტალია, ლიეტუვა, პოლონეთი, პორტუგალია, რუმინეთი.

ევროპულ თამაშებზე ასევე პარიზის 2024 წლის ოლიმპიადის საგზურები გათაშდება.  სალიცენზიო 11 გუნდი (საფრანგეთი, როგორც მასპინძელი, ისედაც გასულია ოლიმპიადაზე) 1 პირდაპირი საგზურისთვის იბრძოლებს, რომელსაც ევროპული თამაშების გამარჯვებული (თუ ის საფრანგეთი არ იქნება) მიიღებს. მეორე და მესამე ადგილებზე გასული გუნდები კი საკვალიფიკაციო რეპეშაჟში გადაერთვებიან. ოლიმპიურ თამაშებზე მოხვედრის შანსი ევროპულ გუნდებს 2022/23 წლების მსოფლიო რაგბის სერიიდანაც ექნებათ (საიდანაც 4 ნაკრები გადის), თუმცა საქართველო ამ ტურნირზე არ მონაწილეობს. ასე რომ, ჩვენთვის ოლიმპიადაზე მოხვედრის შანსი ევროპული თამაშებია. 

საქართველოს ნაკრები ასევე მონაწილეობა მიიღებს 2023 წლის რაგბი ევროპის შვიდკაცას ჩემპიონატზე, რომელიც ორ ეტაპად გაიმართება, 9-11 ივნისს ტურნირს პორტუგალიური ალგარვე უმასპინძლებს, ხოლო 7-9 ივლისს გერმანიის ქალაქი ჰამბურგი. ალგავრეს ეტაპზე რაგბი ევროპამ უკვე შეადგინა ჯგუფები:

A: ესპანეთი, პორტუგალია, ლიეტუვა, ჩეხეთი
B: გერმანია, იტალია, საქართველო, რუმინეთი
C: საფრანგეთი, ბელგია, ირლანდია, დიდი ბრიტანეთი

საქართველოს 7-ქალა ნაკრები კი  ევროპირველობის მეორე დივიზიონში, ალაფაზე ასევე ორ ეტაპს ითამაშებს: პირველს 16-18 ივნისს ზაგრები (ხორვატია) მიიღებს, მეორეს კი, 7-8 ივლისს – ბუდაპეშტი (უნგრეთი). ზაგრების ჯგუფებიც ცნობილია და C ჯგუფში საქართველო, უნგრეთი, ავსტრია, ბულგარეთი შეერკინებიან.