9 მილიონის გაფლანგვის საქმე - სააკაშვილის პროცესი დღეს გაიმართება

9 მილიონის გაფლანგვის საქმე - სააკაშვილის პროცესი დღეს თბილისის საქალაქო სასამართლოში გაიმართება.

მიხეილ სააკაშვილის ადვოკატი, შოთა თუთბერიძე ამბობს, რომ პროცესზე რამდენიმე სახის შუამდგომლობას დააყენებენ.

თუთბერიძის თქმით, დაცვის მხარე ყველაფერს გააკეთებს, რომ ეს პროცესი არა პოლიტიკური სპექტაკლი, არამედ ლაკმუსის ქაღალდი იყოს.

„აბსურდულ ბრალდებებთან გვაქვს საქმე. ჩვენ მოგვეცემა საშუალება და აუცილებლად დავაყენებთ რამდენიმე შუამდგომლობას, რათა საქმის გამოკვლევა ფორმალურ დონეზე მაინც მოხდეს - მრავალმხრივად და სრულად,”- აცხადებს თუთბერიძე.

ადვოკატ ბექა ბასილაიას თქმით, სააკაშვილი სხდომას, სავარაუდოდ ვერ დაესწრება. ბექა ბასილაიას  განმარტებით, მიხეილ სააკაშვილის სხდომაზე დასწრება მისი ჯანმრთელობის მდგომარეობაზეა დამოკიდებული. თუმცა, იმის გამო, რომ მიხეილ სააკაშვილს დღეს, 12:00 საათზე, გორის სამხედრო ჰოსპიტალში ყოფილი პრეზიდენტი, გიორგი მარგველაშვილი უნდა შეხვდეს, სააკაშვილი სასამართლო პროცესს, სავარაუდოდ, არ დაესწრება.

სასამართლომ ე.წ. პიჯაკების საქმის განხილვა დაიწყო, საქმე ეხება მიხეილ სააკაშვილის პრეზიდენტობის დროს სახელმწიფო ბიუჯეტიდან დიდი ოდენობით თანხების -  9 მილიონი ლარის გაფლანგვის საკითხს.

ასევე საინტერესოა:

🔵 "ის მაინც საქართველოს ყოფილი პრეზიდენტია" - გიორგი კვირიკაშვილი მიხეილ სააკაშვილზე

🔵 "ძუძუ რომ მოაჭამა" მაგის ხარჯებსაც ედავება პროკურატურა? - "ნაცმოძრაობის" დეპუტატი ე.წ. პიჯაკების საქმეზე

🔵 დეპუტატი წილოსანი: ე.წ. პიჯაკების საქმეს შეიძლება, უფრო მეტად ვუწოდოთ ბოტოქსების საქმე, უცნაური მეთოდებით დახატული ნახატების საქმე, სტილისტის საქმე