გიორგი ზერეკიძე მისი დაკავების ფაქტზე - 2006 წლის 6 იანვარს, სამი ბრალდებით გამიშვეს ციხეში 14 წლის ასაკში

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე, სადაც საკუთრების უფლების დარღვევისა და არაადამიანური მოპყრობის ფაქტები განიხილება „ნაციონალური მოძრაობის“ რეჟიმის პატიმარი გიორგი ზერეკიძე მისი დაკავების დეტალებს იხსენებს.

გიორგი ზერეკიძე მომხდარ ინციდენტთან დაკავშირებით ამბობს, რომ იმ დროს, როდესაც განყოფილება უნდა დაეტოვებინა „როგორღაც ირაკლი ოქრუაშვილის ყურამდე მივიდა ეს ამბავი და იქიდან გამოაგზავნეს ვინმე ზაზა გოცირიძე, რომელიც შემდეგ სასამართლოზეც გამოვიძახეთ და დავკითხეთ საქალაქო სასამართლოში. ჩემი ხელწერილიც დაიხა იქ და ჩვენებას აწერინებს უკვე არა ლევან ბოჭორიშვილი, ვინც უშუალოდ მონაწილე იყო, არამედ ეს ახალმოსული კაცი, საერთოდ არ შესწრებია ამ ამბავს და არც იცოდა რა მოხდა“.

„ვცხოვრობდით ვერაზე, ლარსის ქუჩაზე. საშუალო შემოსავლიან ოჯახში ვიზრდებოდი. 2006 წლის 6 იანვარს, როდესაც ვიყავი 14 წლის, მანქანის გაჩერებასთან დაკავშირებით მომივიდა შელაპარაკება დისტრიბუტორთან, რა დროსაც ვუჩხუბეთ და ამ შეხლა შემოხლის დროს, ბრელოკზე ჩამოკიდებული "ვიქტორინოქსის" დანით, დღეს ვამბობ და მაშინაც ვფიქრობდი, რომ ეს არ იყო კარგი საქციელი და მე ამას არ ვამაყობ, ვისთანაც მომივიდა [ჩხუბი] იმ ბიჭს 2.3 გამავალი ჭრილობა ჰქონდა ბეჭის არეში.

მოვიდა სასწრაფო და არც საავადმყოფოში არ გადაუყვანიათ და როდესაც მოვიდა მამაჩემი და ეს ამბავი გაიგო, მე, ჩემი ფეხით გამოვცხადდი პოლიციაში სევასტოპოლის განყოფილებაში და იქ მოვყევით. ე.წ. დაზარალებულმაც თქვა რა იყო ჩვენს შორის, მეც მოვყევი, დამაწერინეს ხელწერილი, რომ მსგავსი ფაქტი მეორედ აღარ განმეორდებოდა და უკვე ვტოვებდი განყოფილებას, რა დროსაც განყოფილებაში მოვიდა ვინმე ზაზა გოცირიძე.

როგორღაც ირაკლი ოქრუაშვილის ყურამდე მივიდა ეს ამბავი და იქიდან გამოაგზავნეს ვინმე ზაზა გოცირიძე, რომელიც შემდეგ სასამართლოზეც გამოვიძახეთ და დავკითხეთ საქალაქო სასამართლოში. ჩემი ხელწერილიც დაიხა იქ და ჩვენებას აწერინებს უკვე არა ლევან ბოჭორიშვილი, ვინც უშუალოდ მონაწილე იყო, არამედ ეს ახალმოსული კაცი, საერთოდ არ შესწრებია ამ ამბავს და არც იცოდა რა მოხდა. მუხლებს მიყენებენ: ყაჩაღობას, 179-ე მუხლი იყო; განზრახ მკვლელობის მცდელობას 19-109 10-დან 20-მდე [წლამდე] და სამუდამოსაც ითვალისწინებდა და ხულიგნობას. ამ სამი ბრალდებით გამიშვეს ციხეში 14 წლის ასაკში,“- განაცხადა გიორგი ზერეკიძემ.