ირაკლი ზარქუა ევროპარლამენტის რეზოლუციაზე: წერონ და იკითხონ, მათი რეზოლუციები არ გვაინტერესებს

„წერონ და იკითხონ, მათი რეზოლუციები არ გვაინტერესებს“, - ამის შესახებ საპარლამენტო უმრავლესობის წევრმა ირაკლი ზარქუამ ევროპარლამენტის რეზოლუციაზე საუბრისას განაცხადა.

ზარქუას განცხადებით, ევროპარლამენტის რეზოლუციების ფასი, სადაც წერია, რომ მიხეილ სააკაშვილი არის პოლიტიკური პატიმარი, არის ნული.

„წერონ და იკითხონ, მათი რეზოლუციები არ გვაინტერესებს. ევროპარლამენტის რეზოლუციების ფასი, სადაც წერია, რომ მიხეილ სააკაშვილი პოლიტიკური პატიმარია, ნულია. როგორც ჩანს, ეს პროცესი „ნაცების“ მიერ არის დაფინანსებული, ახლა უნდა წერონ და ასეთი რეზოლუციები გამოაცხონ. როგორც აქამდე იყო ამ რეზოლუციების გავლენა ნული, ასე იქნება ახლაც. უსამართლო რეზოლუციებს შედეგი არასდროს ექნება“, - აღნიშნა ირაკლი ზარქუამ.

დეპუტატმა ამერიკელ კონგრესმენზე ჯო უილსონზე ისაუბრა და აღნიშნა, რომ „უბედური ჯო უილსონი არ ჩერდება, გვიტევს, ნათელაშვილიც კი უფრო მაღალ დონეზე დგას“.

„უბედური ჯო უილსონი არ ჩერდება, გვიტევს - „დაუნ დიქტეიტე“. ნათელაშვილიც კი უფრო მაღალ დონეზე დგას. წალენჯიხაში, ჯგალი იყო გადაკეტილი. მეგონა „ტვიტერზე“ დადებდა, მაგრამ არ გამოეხმაურა, რადგან არ დავაფინანსეთ, რომ დაგვეფინანსებინა, „ტვიტერს“ დაგვითმობდა“, - დასძინა ზარქუამ.