ხატია დეკანოიძე: არ ვიცი რამდენად გულწრფელია, მაგრამ ვისურვებდი, რომ ეს ისტორიული როლი მან შეასრულოს

"ნაციონალური მოძრაობის" წევრი ხატია დეკანოიძე სალომე ზურაბიშვილის ინიციატივას სოციალურ ქსელში ეხმაურება და აცხადებს, რომ საერთო ეროვნული შერიგებისთვის პროცესში თავადაც ჩაერთვება.

მისი თქმით, ქვეყნის ევროპული მომავლისთვის გულწრფელი დიალოგია საჭირო, ხოლო ევროატლანტიკური ინტეგრაცია საერთო ძალისხმევაზე ემყარება.

"არ ვიცი რამდენად გულწრფელია სალომე ზურაბიშვილის სიტყვები შერიგებასა და კონსოლიდაციაზე, მაგრამ ვისურვებდი, რომ ეს ისტორიული როლი მან შეასრულოს.

ეს აუცილებელია საქართველოს ევროპული მომავლისთვის.

ჩემი აზრით, ამისთვის საჭიროა:

• ფიქრი და ქმედება მართლმსაჯულების დეპოლიტიზაციაზე,
• ნამდვილი სასამართლოს რეფორმის ნება;
• მორატორიუმი პოლიტიკურად მოტივირებულ საქმეებზე;
• გულწრფელი და რეალური პოლიტიკური დიალოგი.

ქვეყნის მომავლისთვის აუცილებელი ევროატლანტიკური ინტეგრაცია ნამდვილად კონსოლიდაციაზე დგას", - წერს ხატია დეკანოიძე Facebook-ზე.

საქართველოს პრეზიდენტის სალომე ზურაბიშვილმა დემოკრატიის ვირტუალურ სამიტზე განაცხადა:

"წამოვიწყებ ინკლუზიურ პროცესს, საუბარს ეროვნული მასშტაბით, რომელშიც ჩაბმული იქნება მთელი საზოგადოება, რათა მივაღწიოთ უახლესი ისტორიის საერთო აღქმას, დავძლიოთ ტკივილი და წინ წავიდეთ", - განაცხადა საქართველოს პრეზიდენტმა.

სხვა სიახლეები:

🔲 „წამოვიწყებ ინკლუზიურ პროცესს“ - გამოხმაურებები სალომე ზურაბიშვილის ინიციატივაზე

🔲 დემოკრატიის წინააღმდეგ ომია გამოცხადებული - სალომე ზურაბიშვილი