სააკაშვილმა მითხრა, რომ მისი ნების საწინააღმდეგოდ ხდებოდა ჰოსპიტლიდან გაყვანა, გაუწია წინააღმდეგობა, დაკარგა გონება - სახალხო დამცველის წარმომადგენელი

სააკაშვილმა მითხრა, რომ მისი ნების საწინააღმდეგოდ ხდებოდა ჰოსპიტლიდან გაყვანა, ამას გაუწია წინააღმდეგობა, შემდეგ აღარ ახსოვს რაღაც ეტაპი, როცა მოვიდა გონებაზე, ექიმმა განუმარტა, რომ ჰოსპიტალში რჩებოდა, - უთხრა ჟურნალისტებს სახალხო დამცველის შიდა ქართლის წარმომადგენლმა, ანა ჯანიაშვილმა.

„მომაწოდა ინფორმაცია, რომ საღამოს საათებში მასთან შევიდნენ და აცნობეს, რომ ხდებოდა მისი ჰოსპიტლიდან გაყვანა, რის გამოც მან გაუწია წინააღმდეგობა. შემდეგ უკვე აღარ ახსოვს რაღაც ეტაპი. როდესაც გონებაზე მოვიდა უთხრეს, რომ აღარ მოხდებოდა მისი ჰოსპიტლიდან გაყვანა. სად გადაჰყავდათ, არ ვიციო, ამაზე ინფორმაცია არ მაქვს, მოვითხოვე, მაგრამ არ მითხრესო. ამ ინფორმაციის ცნობის შემდეგ წნევამ ამიწიაო, შემდეგ დასტაბილურდა. ამ ემოციური ფონის შემდეგ, ჰოსპიტალმა მიიღო გადაწყვეტილება, რომ მდგომარეობის დასტაბილურებამდე მისი გადაყვანა შეჩერდა.

მე, პირადად ფიზიკური დაზიანებები არაფერი შემიმჩნევია და არც თვითონ არაფერი უთქვამს ამის თაობაზე. არ აღუნიშნავს, რომ ძალის გამოყენება მოხდა.  მისი ნების საწინააღმდეგოდ ხდებოდა ჰოსპიტალიდან გაყვანა და ამას გაუწია წინააღმდეგობა. შემდეგ უკვე აღარ ახსოვს და როცა მოვიდა გონებაზე, ექიმმა განუმარტა, რომ ის რჩებოდა ჰოსპიტალში.

საქართველოს სახალხო დამცველი შეისწავლის დეტალებში გადაწყვეტილების მიღების დროს და წინააღმდეგობის გაწევის დროს ხომ არ იყო მისი უფლებები შელახული“,- განაცხადა ანა ჯანიაშვილმა.

მისივე თქმით, არ არის გამორიცხული სააკაშვილმა შიმშილობა დაიწყოს.

„შესაძლოა, შიმშილობა დაიწყოს“,- განაცხადა სახალხო დამცველის წარმომადგენელმა.

ასევე საინტერესოა:

🔵 შემოვიდნენ წასაყვანად, შავ ფორმაში ჩაცმულები, შემატყობინეს, რომ გადავყავდი, მაგრამ არ მითხრეს, სად! - მიხეილ სააკაშვილი

🔵 27 წლის სასულიერო პირმა სამაშველო ნავში ადგილი ბავშვიან ქალბატონს დაუთმო, როცა მაშველები მის გადარჩენას ცდილობდნენ თოკი გაწყდა და მოძღვარი ზღვაში ჩავარდა

🔵 ნახეთ როგორია საახალწლოდ მორთული ბათუმის ქუჩები (ფოტორეპორტაჟი)