შემოვიდნენ წასაყვანად, შავ ფორმაში ჩაცმულები, შემატყობინეს, რომ გადავყავდი, მაგრამ არ მითხრეს, სად! - მიხეილ სააკაშვილი

„სცადეს ჩემი ძალით გადაყვანა — ეს იყო ყველაზე მწვავე კრიზი, რომელიც ოდესმე მქონია... ვიდეოზე დაფიქსირებულია ჩემი მძიმე მდგომარეობა,“ - მიხეილ სააკაშვილის მიმართვა საზოგადოებას, მისმა ადვოკატმა, ტელეკომპანია „მთავარის“ დამფუძნებელმა  ნიკა გვარამიამ გააცნო.

„დღეს შემოვიდნენ წასაყვანად, 6-ის ნახევარი იქნებოდა, შავ ფორმაში ჩაცმულები. შემატყობინეს, რომ გადავყავდი, მაგრამ არ მითხრეს, სად.

მე მოვითხოვე წნევის და პულსის შემოწმება. წნევა მქონდა 180, მეორე გაზომვაზე 200-110-ზე. ჩემი ნორმალური წნევა არის 120-180. ეს იყო აბსოლუტური ჰიპერტონიული კრიზისი. არასდროს მქონია ასეთი წნევა და პულსი.
ამის შემდეგ სცადეს ძალით გაყვანა. მე გავუწიე წინააღმდეგობა.

ამის შემდეგ გავითიშე და არ მახსოვს არაფერი. გონებაზე რომ მოვედი, ექიმი მადგა თავზე და მითხრა, რომ არსად აღარ გადავყავდი და ვრჩებოდი ჰოსპიტალში. ასევე მითხრეს, რომ ჩემს ექიმებს შემოუშვებდნენ და არ შემოუშვეს.

ეს იყო ყველაზე მწვავე კრიზისი, რომელიც ოდესმე მქონია. თან სულ მიღებდნენ ვიდეოს. მათ შორის სამედიცინო პროცედურების დროს, ვიდეოზე დაფიქსირებულია ჩემი ძალიან ცუდად ყოფნა" , - ნათქვამია| მიხეილ სააკაშვილის მიმართვაში.

ჯერჯერობით გორის სამხედრო ჰოსპიტალსა და პენიტენციურ სამსახურში განმარტება არ გაკეთებულა.

ასევე საინტერესოა:

🔵 სალომე ზურაბიშვილმა და გიორგი მარგველაშვილმა შეიძლება შეასრულონ ნამდვილად ისტორიული მისია - მიხეილ სააკაშვილი

🔵 სააკაშვილი ჩემთვის არის ხაზგასმით პუტინის პატიმარი და ამას უნდა გავუსწოროთ თვალი - გიორგი მარგველაშვილი

🔵 27 წლის სასულიერო პირმა სამაშველო ნავში ადგილი ბავშვიან ქალბატონს დაუთმო, როცა მაშველები მის გადარჩენას ცდილობდნენ თოკი გაწყდა და მოძღვარი ზღვაში ჩავარდა