სამხარაული: ლაშქარავას სიკვდილის მიზეზია ნარკოტიკული საშუალება ჰეროინის ინტოქსიკაციის შედეგად განვითარებული გულ-სისხლ-ძარღვთა და სუნთქვის მწვავე უკმარისობა

ალექსანდრე ლაშქარავას სიკვდილის მიზეზი ნარკოტიკული საშუალება ჰეროინის ინტოქსიკაციის შედეგად განვითარებული გულ სისხლ-ძარღვთა და სუნთქვის მწვავე უკმარისობა, - ამის შესახებ ნათქვამია ლევან სამხარაულის სახელობის ექსპერტიზის ეროვნული ბიუროს დასკვნაში, რომელიც შს სამინისტრომ 30 დეკემბერს მიიღო.

როგორც „იმედინიუსს“ შსს-ში განუცხადეს, ეს დასკვნა ლექსო ლაშქარავას გარდაცვალების ფაქტზე მიმდინარე სისხლის სამართლის საქმეს დაერთო.

"გვამის სასამართლო-სამედიცინო და ქიმიურ-ტოქსიკოლოგიური გამოკვლევების მონაცემებით ალექსანდრე ლაშქარავას სიკვდილის მიზეზია ნარკოტიკული საშუალება ჰეროინის ინტოქსიკაციის შედეგად განვითარებული გულ-სისხლძარღვთა და სუნთქვის მწვავე უკმარისობა (ინექციის უბნები ორივე საზარდულის მიდამოებში).

ორმხრივი საზარდულის მიდამოს კანში და კანქვეშა ცხიმოვან ქსოვილში აღენიშნებოდა სისხლჩაქცევები, მარცხნივ ხანდაზმულობით სიკვდილამდე 5 წუთი - ერთი საათი, მარჯვნივ 30 წუთი - 4 საათი“, - წერია დასკვნაში.

აღნიშნულ დასკვნას ხელს აწერენ კონსტანტინე ცქიტიშვილი და ალექსანდრე გეჯაძე.

UNESCO-მ (გაერთიანებული ერების განათლების, მეცნიერებისა და კულტურის ორგანიზაციმ) 2021 წელს მოკლული ჟურნალისტების სია განაახლა, რომელსაც საქართველოდან ლექსო ლაშქარავას სახელი დაემატა.

UNESCO-ს ვებგვერდზე მითითებულია, რომ ლექსო ლაშაქარავა 2021 წლის 5 ივლისს მოკლეს.

სხვა სიახლეები:

🔳 "UNESCO საგამოძიებო ორგანო არაა" - შალვა პაპუაშვილი

🔳 "არასწორი ინფორმაციის შედეგი იყო ეს" - ირაკლი ზარქუა UNESCO-ს მიერ გამოქვეყნებულ ინფორმაციაზე

🔳 მოკლული, 5 ივლისს საქართველოში - ლექსო ლაშქარავას unesco-ს სიაში შეტანას ინგა გრიგოლია ეხმაურება

🔳 UNESCO-მ მსოფლიოში მოკლული ჟურნალისტების სია განაახლა, რომელსაც ოპერატორი ლექსო ლაშქარავა დაემატა