12 ემიგრანტი სიცივისაგან დაიღუპა თურქეთ-საბერძნეთის საზღვართან

თურქეთ-საბერძნეთის საზღვართან ახლოს სიცივისაგან გარდაცვლილი 12  ემიგრანტი იპოვეს.

მომხდარში თურქეთი და საბერძნეთის ხელისუფლება ერთმანეთს ადანაშაულებენ.

საბერძნეთის იმიგრაციისა და თავშესაფრის მინისტრი ნოტის მიტარაკისი უარყოფს ანკარას ბრალდებას, რომ საბერძნეთი პასუხისმგებელია თორმეტი მიგრანტის სიკვდილზე, რომლებიც თურქეთ-საბერძნეთის საზღვართან ახლოს, ფეხსაცმლის გარეშე სიცივისგან გაყინულები ნახეს.

მისი განცხადებით, თურქეთში, იფსალას საზღვართან ახლოს 12 ემიგრანტის გარდაცვალება, უმძიმესი ტრაგედიაა და აქვე ცრუ პროპაგანდას უწოდებს თურქეთის შინაგან საქმეთა მინისტრის, სულეიმან სოილუმის განცხადებას, რომელიც მომხდარზე პასუხისმგებლობას საბერძნეთს აკისრებს. 

თურქული მხარის ინფორმაციით, სიცივისაგან გარდაცვლილი 12 ემიგრანტი არის იმ 22 კაციანი ჯგუფის წევრები რომლებიც, საბერძნეთიდან ბერძენმა მესაზღვრეებმა უკან ფეხშიშველი გააბრუნეს, რადგან ჩამოართვეს მათ ტანსაცმელი და ფეხსაცმელებიც.

ბერძნული მხარე თავის მხრივ უარყოფს ბრალდებას და აცხადებს, რომ კონკრეტულ ემიგრანტებს  საზღვარი არასოდეს გადაუკვეთიათ.

მათი განცხადებით, უსაფუძვლო ბრალდებების ნაცვლად, თურქეთმა უნდა შეასრულოს თავისი ვალდებულებები და უნდა იზრუნოს, რომ მაქსიმალურად თავიდან იქნეს არიდებული მსგავსი საშიში მოგზაურობები.

ასევე საინტერესოა

🔴საბერძნეთში, 19 წლის ბიჭის მკვლელობისთვის 23 წლის ალბანელი დააკავეს

🔴ათენის უნივერსიტეტი უკვე მეხუთედ მსოფლიოს 100 საუკეთესო უნივერსიტეტის სიაში მოხვდა

🔴პოლიცია არასრულწლოვნის გაუპატიურებაში ბრალდებული მღვდლის ვინაობას ასაჯაროებს