საბერძნეთში, კორონავირუსით ინფიცირებული ქალის გარდაცვალებაში ბრალი მის მკურნალ ექიმს ედება

საბერძნეთში, კორონავირუსით ინფიცირებული 60 წლის ქალის გარდაცვალებაში ბრალი მისი ოჯახის ექიმს ედება.

ექიმს ბრალად ედება, თვითნებური დანაშაულებრივი ქმედებების ჩადენა, რამაც ხელი შეუწყო 60 წლის ქალის გარდაცვალებას.

გავრცელებული ინფორმაციით, 60 წლის ქალი საავადმყოფოში მაშინ მივიდა, როდესაც მისი ჯანმრთელობის მდგომარეობა უკიდურესად დამძიმებული იყო. ექიმების  დიდი მცდელობის მიუხედავად, მისი გადარჩენა ვეღარ მოხერხდა. 

გარდაცვლილის მეუღლის განცხადებით, მათი ოჯახის მკურნალი ექიმი ვაქცინაციის მოწინააღმდეგეა და ის სისტემატურად არწმუნებდა კოვიდით ინფიცირებულ წყვილს, რომ სამკურნალოდ საავადმყოფოში არ უნდა წასულიყვნენ. აძლევდა მათ რეკომენდაციებს, როგორ ემკურნალათ სახლის პირობებში მის მიერ გამოწერილი ანტიბიოტიკებით, ასპირინით და ვიტამინებით.  

გარდაცვლილის მეუღლე ასევე მოწმობს, რომ მათი მკურნალი ექიმი ვაქცინაციის კატეგორიული წინააღმდეგი იყო და პაციენტებს ეუბნებოდა, რომ ვაქცინაციის გაკეთების შემთხვევაში ისინი რამდენიმე თვეში " ქათმებივით დაცვივდებოდნენ". 

გარდაცვლილის ქმარმა ვოლოსის ექიმის წინააღმდეგ სარჩელით, სამედიცინო ასოციაციის სადისციპლინო საბჭოს მიმართა.

აღნიშნულ საქმესთან დაკავშირებთ მიმდინარეობს წინასწარი გამოძიება.

ექიმი კი  განაგრძობს პაციენტების მიღებას. 

ასევე საინტერესოა

🔴როგორ შეამციროთ ელექტროენერგიის გადასახადი საბერძნეთში - სასარგებლო რჩევები

🔴საბერძნეთში 4 ბალიანი მიწისძვრა მოხდა

🔴საბერძნეთის მთავრობამ კოვიდვაქცინის მეოთხე დოზა დაამტკიცა - ვისთვის იქნება აცრა აუცილებელი?