შეგიძლიათ თუ არა, იტალიური საბუთით, ევროპის სხვა ქვეყანაში ლეგალურად ცხოვრება და მუშაობა?!

იტალიური ბინადრობის ნებართვით ევროპის სხვა ქვეყანაში ცხოვრება და მუშაობა შესაძლებელია, მაგრამ იმ შემთხვევაში, თუ პირს აქვს „მუდმივი“ ბინადრობის ნებართვა, ე.წ. Permesso di soggiorno CE, რომელსაც ადრე “კარტა დი სოჯორნო“ ერქვა. აღნიშნული კანონი იტალიაში 2007 წლიდან მოქმედებს.
შეგახსენებთ, რომ ამ ტიპის საბუთი, იტალიაში ლეგალურად 5 წლიანი ცხოვრების შემდეგ შეგიძლიათ გააკეთოთ. თუმცა, უნდა აღინიშნოს, რომ სახელმწიფოს, გარკვეულ პირობებში, უფლება აქვს შეზღუდოს მსგავსი ტიპის საბუთის გაცემის რაოდენობა.

რის უფლებას იძლევა Permesso di soggiorno CE?

• აღნიშნული საბუთის ქონის შემთხვევაში, პირს შეუძლია შეუზღუდავად გადაადგილდეს შენგენის ზონის ქვეყნებში ვიზის გარეშე.
• იმუშაოს ლეგალურად ევროკავშირის წევრ ქვეყნებში, როგორც დაქვემდებარებულმა თანამშრომელმა, ასევე ავტონომიურად.
• ისარგებლოს მასპინძელი ქვეყნის საჯარო სერვისებით.
• ჩაერთოს მიმღები ქვეყნის საზოგადოებრივ ცხოვრებაში.
• მიიღოს განათლება.

რა უნდა გაითვალისწინოთ!

პირი აუცილებლად უნდა ინფორმირდეს, თუ რა დამატებითი მოთხოვნები შეიძლება ჰქონდეს მიმღებ ქვეყანას: 
• შესაძლოა მოითხოვონ გარკვეული ფინანსური გარანტია, განსაკუთრებით იმ შემთხვევაში, თუ დამოუკიდებლად აპირებთ რაიმე აქტივობის დაწყებას.
• ასევე შესაძლოა მოითხოვონ ინფორმაცია, თუ სად იცხოვრებს პირი მიმღებ ქვეყანაში.
• თუ აქვს სამედიცინო დაზღვევა.
• გარკვეულ შემთხვევებში შესაძლოა მოითხოვონ მიმღებ ქვეყანაში პირის დამსაქმებლის და სამუშაო კონტრაქტის არსებობის შესახებ ინფორმაცია.

გაუქმდება თუ არა პირის იტალიური საბუთი, სხვა ქვეყანაში სამუშაოდ წასვლის შემთხვევაში?

• სხვა ქვეყანაში სამუშაოდ, ან სასწავლებლად წასვლა, ავტომატურად იტალიური საბუთის გაუქმებას არ იწვევს. ეს მოხდება იმ შემთვევაში, თუ პირი მიმღები ქვეყნის საბუთს გააკეთებს.

ნინა მამუკაძე

იტალია, ფლორენცია

წყარო: stranieriditalia.com