„ადამიანთა უმრავლესობა ნახავს და მოესწრება ამ მოვლენებს, რადგან აქამდე დიდი დრო აღარაა დარჩენილი...“ - რას წერს ასტროლოგი გიორგი ლობჯანიძე

„მოხდება გადამწყვეტი ბრძოლა დედამიწაზე...ბევრი სიურპრიზი ჯერ კიდევ გზაშია და ჩვენ ყველანი ამ ფაქტების შემსწრე გავხდებით. კავკასიას და კერძოდ, საქართველოს კი ექნება გადამწყვეტი როლი მისი ერის და ბუნებრივია, ამ პლანეტის და ღვთის წინაშე“,- ამის შესახებ ასტროლოგი და ფსიქოლოგი გიორგი ლობჯანიძე სოციალურ ქსელში წერს.

მისი პროგნოზით, დედამიწაზე მოახლოებულია ჟამი, როდესაც ვუახლოვდებით მკვეთრ პიკს, „სადაც იქნება საკმაოდ დიდი პროცესები დედამიწაზე“. 

„რაც დრო გავა აუცილებლად მოხდება გადამწყვეტი იდეოლოგიური ბრძოლა დედამიწაზე. პრინციპში, ადამიანთა უმრავლესობა ნახავს და მოესწრება ამ მოვლენებს, რადგან აქამდე დიდი დრო აღარაა დარჩენილი.

შემდეგ წავა ტერმინოლოგიური გადაფასებები და ერთგვარი ლუსტრაცია.

სამწუხაროა, მაგრამ თავისუფლების არსი სულ სხვანაირად გვესმის. ღმერთმა შექმნა ადამიანი „ხატად თვისად“, შესაბამისად ადამიანი არ იყო არაფრის მონა, თავად დაემონა მანკიერებებს მისი ნებით.

დღეს ჩვენ მონა ვართ მუცლის, ვნების, განკითხვის, ამპარტავნების, ფულის, დიდების, მოწევის, დალევის, მრუშობის ... სიტყვა თავისუფლება, რომ დამარცვლო ამას იღებ - „თავის უფალს“ და ადამიანი თავისუფალი კი არ გამოდის, მონა გამოდის ჭაობის და მერე ბევრს ღვთის შვილობაზე აქვს პრეტენზია.

ღვთის შვილები ყველა ვართ ფორმალურად, მაგრამ ჭეშმარიტად ღვთის შვილობას დამსახურება და საკუთარ თავზე მუშაობა უნდა და არა მხოლოდ ფიზიკურ ან გეოგრაფიულ თავისუფლებაზე ბაასი.

მერე ისეთი მომენტია, რომ ყველა საუბრობს სიყვარულზე და დამოუკიდებლობაზე და ეს თავისუფლების მქადაგებელი ხალხი, როცა მის აზრზე არ ხარ გადაიქცევა მთავარ რადიკალურ ძალად და გიწყებს ბულინგს, ანუ საკუთარ შექმნილ იდეოლოგიას, როგორც უნდათ ისე ირგებენ.

შესაბამისად, ჩვენ ვუახლოვდებით მკვეთრ პიკს, იქნება საკმაოდ დიდი პროცესები დედამიწაზე.

სამწუხაროა, მაგრამ არც ეს უკრაინის ომი დამთავრდება ასე ადვილად და როგორც ვიძახდი წლების წინ, ისეც მიდის მოვლენები და არც ახლო აღმოსავლეთის კონფლიქტი.

ლოგიკური დასასრული აქვს ყველაფერს.

ბევრი სიურპრიზი ჯერ კიდევ გზაშია და ჩვენ ყველანი ამ ფაქტების შემსწრე გავხდებით.

კავკასიას და კერძოდ, საქართველოს კი ექნება გადამწყვეტი როლი მისი ერის და ბუნებრივია, ამ პლანეტის და ღვთის წინაშე.

როლი იქნება ჭეშმარიტად საგანმანათლებლო და სულიერ-მეცნიერული ფაზის. ესოდენ, უახლოეს ნიადაგზე ამისთვის ჩვენთანაც გატარდება სოციო.პოლიტიკური ცვლილებები, რაც სასიცოცხლოდ მნიშვნელოვანია ქვეყნისთვის!

დანარჩენს, ყველას დრო გვანახებს იმას, რაც უნდა ვნახოთ!“,- წერს გიორგი ლობჯანიძე.