აზერბაიჯანს საქართველოსგან განჯის ჭიშკრის დაბრუნება სურს

აზერბაიჯანის კულტურის მინისტრმა ანარ კარიმოვმა ადგილობრივ მედიასთან ილაპარაკა საქართველოსთან მიმდინარე მოლაპარაკებებზე განჯის ჭიშკრის დაბრუნების შესახებ. 

"განჯის ჭიშკრის ბედზე საქართველოს ოფიციალურ სტრუქტურებთან ჩვენ ვიმსჯელეთ იქ ჩემი ბოლო ვიზიტისას. გვინდა განჯის ჭიშკარი აზერბაიჯანს ოფიციალური მოლაპარაკებების გზით დაუბრუნდეს. მოლაპარაკებების პროცესი მარტივი არ არის. როგორც იცით, არსებობს საქართველოსა და აზერბაიჯანს შორის მოლაპარაკებებისთვის სამთავრობო კომისიები და ეს საკითხი აზერბაიჯანულ კომისიას შეტანილი აქვს დღის წესრიგში განსახილველ საკითხად. ჩვენი მიზანია, განჯის ჭიშკარი აზერბაიჯანს დაუბრუნდეს", - ეს განცხადება აზერბაიჯანის კულტურის მინისტრმა 3 თებერვალს განჯაში გააკეთა.

ანარ კარიმოვი საქართველოში ოფიციალური ვიზიტით 2021 წლის ივლისში იმყოფებოდა. ამ ვიზიტისას ის შეხვდა პრემიერ-მინისტრს, საგარეო საქმეთა და კულტურის მინისტრებს. ქართული მხარის მიერ ამ ვიზიტის შემდეგ გაკეთებულ ოფიციალურ განცხადებებში, განჯის ჭიშკრის საკითხი ნახსენები არ ყოფილა. თავად აზერბაიჯანის კულტურის მინისტრმა დავით ზალკალიანთან შეხვედრის შემდეგ Twitter-ზე დაწერა, რომ ჰქონდა მსჯელობა "მრავალმხრივ კულტურულ თანამშრომლობაზე და მთიანი ყარაბაღის გათავისუფლებულ ტერიტორიებზე კულტურული მემკვიდრეობის აღდგენის მიმართულებით ბაქოს ძალისხმევაზე მიაწოდა ინფორმაცია საქართველოს საგარეო საქმეთა მინისტრს."

ასევე დაგაინტერე­­­­სებთ:

🔵2021 წლის ოქტომბერში მომხდარი ინციდენტის გამო, დავით კირკიტაძეს ბრალი წაუყენეს

🔵"ოქროს ხანა" ახლოვდება - პარაცელის წინასწარმეტყველებები მეორე მსოფლიო ომზე, აშშ-ს აღორძინებასა და სამხრეთიდან მომდინარე საფრთხეებზე

🔵საქართველოს პრეზიდენტი: ემანუელ მაკრონი გაბედულ დიპლომატიურ ქმედებებს ატარებს, რათა უკრაინის მიმართ აგრესიის თავიდან აცილება მოხდეს და დაიწყოს დეესკალაცია