"ნაცმოძრაობის" მიერ დღეისთვის დაგეგმილი აქციები გაუქმდა

"ერთიანი ნაციონალური მოძრაობის" მიერ დღეისთვის დაგეგმილი აქციები გაუქმდა. 

დამატებითი ინფორმაცია ამ ეტაპზე არ ვრცელდება, პარტიაში აცხადებენ, რომ განმარტებებს მოგვიანებით გააკეთებენ.

გუშინ, 13 ნოემბერს "ნაციონალური მოძრაობის" ლიდერმა ნიკა მელიამ დააანონსა, რომ დღეს საპროტესტო აქციები გაიმართებოდა თბილისსა და რეგიონებშიც.

"ყოველდღე უნდა ვიყოთ ქუჩებში, მეთოდურად უნდა ჩამოვშალოთ რეჟიმი. ჩვენზე არის დამოკიდებული იქნება თუ არა მიხეილ სააკაშვილი ცოცხალი", - განაცხადა ნიკა მელიამ.

რაც შეეხება მოძრაობა "სირცხვილიას" მიერ ორგანიზებულია აქციას, დღეს პარლამენტთან, 19:00 საათზე გაიმართება. 

გაერთიანებული ოპოზიცია 6 ნოემბრიდან პერმანენტულ აქციებს მართავს მიხეილ სააკაშვილის მაღალტექნოლოგიურ კლინიკაში გადაყვანის მოთხოვნით.

საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან შიმშილობს. იგი ამჟამად იმყოფება სასჯელაღსრულების სისტემის მე-18 სამკურნალო დაწესებულებაში. 11 ნოემბერს მიხეილ სააკაშვილმა განაცხადა, რომ მაღალტექნოლოგიურ კლინიკაში, გარდა გორის სამხედრო ჰოსპიტლისა, გადაყვანის შემთხვევაში, მზად არის შიმშილობა შეწყვიტოს.

ამავე თემაზე:

🔲 "მშვიდობიანი პროტესტი დედაქალაქში მუდმივად გაგრძელდება" - ხატია დეკანოიძე

🔲  მიხეილ სააკაშვილი ლოგინიდან ვერ დგება - პირადი ექიმი

🔲  "მიხეილ სააკაშვილს არ საჭიროებს რაიმე ტიპის სარეანიმაციო ღონისძიებებს" - პენიტენციური სამსახური