ნიკა კვარაცხელიას მკვლელობაში ბრალდებული დანაშაულს აღიარებს

ნიკა კვარაცხელიას ჯგუფურად განზრახ მკვლელობაში ერთ-ერთი ბრალდებული, აკო ჭელიძე საკუთარ დანაშაულს აღიარებს.

საქალაქო სასამართლოში საქმეზე წინასასამართლო სხდომა მიმდინარეობს, რომელსაც ორივე ბრალდებული - გიორგი კავილაძე და აკო ჭელიძე ესწრება.

"ეს დანაშაული არის ჩემი ჩადენილი, მაგრამ არ მყოლია თანამზრახველი და არ ჩამიდენია ჯგუფურად",- განაცხადა ჭელიძემ.

რაც შეეხება მეორე ბრალდებულს, გიორგი კავილაძეს, ის თავს წარდგენილი ორი ბრალდებიდან არც ერთში დამნაშავედ არ მიიჩნევს. მისი დანაშაული, მისივე თქმით, მხოლოდ ის არის, რომ "მომხდარის შესახებ პოლიციას არ შეატყობინა".

კავილაძემ ასევე უნდობლობა გამოუცხადა გამოძიებას და აღნიშნა, რომ მხოლოდ სასამართლოს ენდობა.

"რაც შეეხება ბრალს, დავიწყებ იარაღის ჯგუფურად ტარებით, ჩემთვის გაუგებარია და წარმოუდგენელია, როგორ უნდა ატაროს ერთდროულად ორმა ადამიანმა ერთი იარაღი. მე არ ვაღიარებ ამ ბრალს, თუმცა, არ ვიტყვი რომ სრულიად უდანაშაულო ვარ და ანგელოზი ვარ, დამნაშავე ვარ, რომ არ წავედი პოლიციაში და მომხდართან დაკავშირებით არ განვაცხადე, მზად ვარ, ამასთან დაკავშირებით განმარტებები გავაკეთო. ადამიანი არის გარდაცვლილი, ამას მე მაბრალებენ, ზუსტად ამ ბრალდების გამო ვარ საპატიმროში. მზად ვარ, სასამართლოს მოვახსენო, რა მოხდა ჩემ თავს",- განაცხადა კავილაძემ.

შეგახსენებთ,22 წლის ნიკა კვარაცხელიას თბილისში, ანჯაფარიძის ქუჩაზე მოკლეს. მკვლელობის საქმეზე ბრალდებულები აკო ჭელიძე და გიორგი კავილაძე წყნეთში დააკავეს. ბრალდებულებს საგამოძიებო უწყება სასტიკი დანაშაულის ჩადენის დღიდან ეძებდა. გამოძიების ინფორმაციით, ნიკა კვარაცხელიას მიმართ 10-ზე მეტი გასროლა განხორციელდა, ბრალდებულებმა კი ტერიტორია თანამზრახველთან ერთად ნაქირავები მანქანით დატოვეს. 

ასევე დაგაინტერე­­­­სებთ:

🔵ივანიშვილმა ჯანდაცვის მინისტრად დანიშნა ქართუ ბანკის პლასტიკური ბარათების განყოფილებაში გამოზრდილი აზარაშვილი - შალვა ნათელაშვილი

🔵ნიკა მელია პრეზიდენტს, სავარაუდოდ დღეს შეხვდება

🔵სამი კოვიდინფიცირებული ბავშვის მდგომარეობა კრიტიკულად მძიმეა