საქართველო არ დაესწრება 3+3 შეხვედრას - საქართველოს ელჩი თურქეთში

3+3 პლატფორმის ფარგლებში დაგეგმილ მომავალ შეხვედრაში, რომელიც თურქეთში გაიმართება საქართველო არ მიიღებს მონაწილეობას.

აცხადებს თურქეთში საქართველოს ელჩი გიორგი ჯანჯღავა. მის კომენტარს daily sabah-ი ავრცელებს.

„საქართველო ნამდვილად არ დაესწრება 3+3 შეხვედრას“, - განაცხადა ელჩმა. 

გამოცემის თანახმად, გიორგი ჯანჯღავამ ხაზგასმით აღნიშნა, რომ საქართველო თურქეთსაც და აზერბაიჯანსაც „სტრატეგიულ პარტნიორებად“ მიიჩნევს, ხოლო სომხეთს „ისტორიულ და კარგ მეზობლად“.

„მაგრამ რუსეთი არის ქვეყანა, რომელსაც საქართველოს ტერიტორიის 20% ოკუპირებული აქვს“, - აღნიშნა ელჩმა.

ანკარა არაერთხელ გამოვიდა მოწოდებით შეიქმნას, ექვსი ქვეყნის პლატფორმა, რომელიც თურქეთის, რუსეთის, ირანის, აზერბაიჯანის, საქართველოსა და სომხეთისგან შედგება, რეგიონში მუდმივი მშვიდობის, სტაბილურობისა და თანამშრომლობისთვის, - წერს გამოცემა.

3+3 ფორმატის პირველი შეხვედრა მოსკოვში 10 დეკემბერს გაიმართა. მასში საქართველო არ მონაწილეობდა, თუმცა შეხვედრაზე დროშა მაინც დაკიდეს. დროშის დაკიდებას საქართველოს საგარეო საქმეთა სამინისტრო გამოეხმაურა და თქვა, რომ ეს მათთვის მიუღებელია.

ასევე საინტერესოა:

🔵 გასულ კვირას მმართველმა პარტიამ ძირი გამოუთხარა მთავრობის ანგარიშვალდებულებას - აშშ-ს საელჩო საქართველოში

🔵 ,,რა გითხრათ, რით გაგახაროთ? რა მოვულოცოთ ჩვენს თავს?“ - საქართველოს პრეზიდენტის საახალწლო მილოცვა (ვიდეო)