"აპენდიციტის ამოსაჭრელად ბანკის იპოთეკურ სესხს იღებდა ხალხი, ინსულტის გამო, სასწრაფო წესით, ჩალის ფასად სახლებს ყიდდნენ, რადგან კომაში მყოფი აპარატიდან არ გაეთიშათ, გახსოვთ?!" - ამირან სალუქვაძე

თადარიგის გენერალი, პოლიტიკის ანალიტიკოსი ამირან სალუქვაძე ქართულ მედიას, ამბების ტენდენციური გაშუქების გამო აკრიტიკებს.

სალუქვაძე ყოფილ ხელისუფლებას კი, მათი მმართველობის პერიოდს ახსენებს.

"აპენდიციტის ამოსაჭრელად ბანკის იპოთეკურ სესხს იღებდა ხალხი, ინსულტის გამო, სასწრაფო წესით, ჩალის ფასად სახლებს ყიდდნენ, რადგან კომაში მყოფი აპარატიდან არ გაეთიშათ, გახსოვთ?!

ჰოდა, რას დასდევთ კუდში ეკა ტიკარაძეს? ჯანდაცვაზე ხმა რომ არ ამოგეღებათ წინა ხელისუფლებას, ისევე როგორც ბევრ სხვა საკითხზე, უნდა ხვდებოდეთ, თუმცა...

გუშინ დასდევდნენ და ეკითხებოდნენ, თქვენი შემცვლელი ვინ იქნებაო? შეიძლება მსგავსი კითხვა დაუსვა თანამდებობიდან წასულ პირს? ან ეთიკა თუ გაქვთ, ან ლოგიკა?

დღეს, თურმე, ჯერ კიდევ მოქმედი მინისტრი, ჯანდაცვის ღონისძიებაზე გამოჩნდა და სენსაციად წარმოაჩინეს.

არჩილ თალაკვაძე პირველად გამოჩნდა გადამდგარ მინისტრთანო.

მედიას ასე მოკლე მეხსიერება გაქვთ და არ გახსოვთ თალაკვაძის ჩართულობა ცე ჰეპატიტის პროგრამაში 2014 წლიდან?

ამერიკის ელჩიც ესწრებოდა, ნეტა რატომ, ტიკარაძის შემცვლელად მოიაზრება?

იცით რა მიზანი აქვს ასეთ სიუჟეტებს?

თითქოს გააშუქეს ღონისძიება, რომელიც ცე ჰეპატიტის პროგრამას ეხებოდა, მაგრამ თავად პროგრამაზე არ ისაუბრეს.

თანამედროვე სლენგით ღონისძიება გატროლეს.

ხალხისთვის სასიკეთო პროგრამაზე დადებითს ხომ არ იტყოდით?

ამიტომ ხართ ტოქსიკურები და ამიტომ არ ხართ მედია.

თქვენ ხართ პარტიული პროპაგანდის სატელევიზიო საშუალებები, შემოკლებით პპსს", - წერს სალუქვაძე.
 

სხვა სიახლეები:

🔲 "ჯერ კითხვას გაეცით პასუხი, თავს თუ გრძნობთ ერის ნაწილად? იცით კი, ერი რას ნიშნავს? ეროვნული შერიგება ეროვნულებს შორის ხდება" - ამირან სალუქვაძე ოპოზიციას

🔲 "მსოფლიოში ვაქცინების უდიდესი დეფიციტია" - რა ინფორმაციას ავრცელებს გიორგი ფხაკაძე