„დედას უთხრეს, რომ ბავშვი სანიტარს გაუვარდა ხელიდან და გარდაიცვალა“ - როგორ იპოვა დედა-შვილმა ერთმანეთი 52 წლის შემდეგ?

ტელეწამყვანი და ჟურნალისტი თამუნა მუსერიძე მრავალშვილიანი დედაა. იგი სოციალურ სივრცეში აქტიურობით გამოირჩევა, მეტიც თამუნა მუსერიძემ დააფუძნა ჯგუფი „ვეძებ“, რომლითაც საზოგადოებას დაკარგული და გაშვილებული ოჯახის წევრების პოვნაში ეხმარება.

ბოლო დროს იგი მედიის ყურადღების ცენტრში მოხვდა, რადგან მან 8-წლიანი ძებნის შემდეგ ბიოლოგიური მამა და დედმამიშვილები იპოვა. ტელეწამყვანის ბიოლოგიური მამა ზუგდიდში მცხოვრები, დამსახურებული ქორეოგრაფი, გურგენ ხორავაა.

ამჯერად, თამუნა სოციალურ ქსელში ემოციურ ვიდეოს აქვეყნებს, სადაც დედა 52 წლის წინ მოპარულ შვილს პირველად შეხვდა და მომხდარის შესახებ საუბრობს.

„ეს ბიჭი დაიბადა თბილისის მეორე სამშობიაროში და დედის უახლოესი მეგობრის ინიციატივით მოხვდა ბავშვის მოპარვა. ექიმი კი იყო ოჯახის და დედის ახლო მეგობარი იყვნენ ერთი სოფლიდან და დედას უთხრა, რომ სანიტარს ბავშვი ხელიდან გაუვარდა და გარდაიცვალა.  მთელი ეს წლები კი ეს სანიტარი მეზობელი უყურებდა ამ ოჯახს და ერთხელაც კი არ გამოუჩენია დახმარების სურვილი.

ამყვან ოჯახს კი განსხვავებული ინფორმაცია ჰქონდა... თუმცა მოხდა ღვთის სასწაული და 52 წლის შემდეგ, ბიჭმა იპოვა ბიოლოგიური ოჯახი, ამაზე დიდი ბედნიერება არ ვიცი რა შეიძლება იყოს. დილიდან ვსკდები ტირილით.

ერთმანეთი გენეტიკური ტესტის დახმარებით იპოვეს“, - ამბობს თამუნა მუსერიძე.