ის, რომ ბიძინამ არ, უფრო სწორად, ვერ დაიჭირა ხაზარაძე, ჯაფარიძე და წერეთელი, ნიშნავს იმას, რომ ეს კაცი ასე თუ ისე რაღაც დონეზე მაინც უწევს ანგარიშს პოლიტიკურ კონიუნქტურას და დასავლეთის ფაქტორს - დავით ზურაბიშვილი

ანალიტიკოსი დავით ზურაბიშვილი, ე.წ. “ფულის გათეთრების საქმეზე თბილისის საქალაქო სასამართლოს მიერ დღეს მიღებულ გადაწყვეტილებას, სოციალურ ქსელში გამოეხმაურა. 

"ის, რომ ბიძინამ არ, უფრო სწორად, ვერ დაიჭირა ხაზარაძე, ჯაფარიძე და წერეთელი, ნიშნავს იმას, რომ ეს კაცი ასე თუ ისე რაღაც დონეზე მაინც უწევს ანგარიშს პოლიტიკურ კონიუნქტურას და დასავლეთის ფაქტორს. აბა ქართველი ხალხის რისხვის შეეშინდაო, ვერ დავაბრალებთ, რადგან ასეთი რისხვის მოლოდინი არც მას და არც არავის არ ჰქონია, ისევე როგორც ვერ დავაბრალებთ ზედმეტ ჰუმანიზმს და გულმოწყალებას.
კარგი იქნება თუ ოპოზიციური ძალები სამომავლოდ მაინც გაითვალისწინებენ ამას და გააცნობიერებენ, რომ ამ ხელისუფლების შეცვლას სჭირდება არა შესკდომა და წელში შევარდნა მისი გადატეხვის მიზნით, არამედ სერიოზული, მრავალგანზომილებიანი, ეტაპობრივი და მეთოდური მუშაობა და ბოლოს და ბოლოს შეეშვებიან ისეთი მავნებლური (და საბოლოო ჯამში ამ ხელისუფლებისთვის ხელსაყრელი) იდეების გაღვივებას, როგორიცაა: რა აზრი აქვს არჩევნებს როცა არჩევნები არ გვაქვს, რა აზრი აქვს პარლამენტში ყოფნას როცა პარლამენტი არ გვაქვს, რა აზრი აქვს ინსტიტუციების გამოყენებას როცა ინსტიტუციები არ გვაქვს და ა.შ.",-წერს  დავით ზურაბიშვილი. 

ამავე თემაზე:

🔵გადაწყვეტილება ბიძინასია და არა მოსამარათლის - დავით ბერძენიშვილი ხაზარაძე-ჯაფარიძე-წერეთლის საქმის სასამართლო გადაწყვეტილებაზე

🔵მამუკა ხაზარაძე, ბადრი ჯაფარიძე და ავთანდილ წერეთელი სასამართლოს გადაწყვეტილებას გაასაჩივრებენ

🔵სასამართლომ მამუკა ხაზარაძე, ბადრი ჯაფარიძე და ავთანდილ წერეთელი დამნაშავედ ცნო, თუმცა, დანაშაულის ხანდაზმულობის გამო არ დააპატიმრებენ