მწვანე პასპორტთან დაკავშირებული შეზღუდვები, შესაძლოა, 7 დეკემბერს გამკაცრდეს

საქართველოს ჯანდაცვის მინისტრი, ეკატერინე ტიკარაძე არ გამორიცხავს, რომ მწვანე პასპორტთან დაკავშირებული ღონისძიებები შესაძლოა გამკაცრდეს. მინისტრის თქმით, აღნიშნულთან დაკავშირებით საკოორდინაციო საბჭო გადაწყვეტილებას სამშაბათს, 7 დეკემბერს მიიღებს.

“შეიკრიბა კოვიდსაბჭო, რომელიც მოქმედებს ჯანდაცვის სამინისტროში და რომელიც განიხილავს ვაქცინაციის ეფექტურობის და ასევე გეგმის შესახებ გარკვეულ სტრატეგიებს. ასევე ტესტირებასთან მიმართებით ვიმსჯელეთ, თუ რომელი ტესტირება იქნებოდა ახალი შტამის პირობებში მეტად ეფექტიანი. დავრჩებით სწრაფ ტესტებზე თუ მხოლოდ პისიარ ტესტი იქნება მისაღები იმისათვის რომ ადამიანი იქნეს მწვანედ აღიარებული.

ასევე ტესტირების ვადებზე იყო საუბარი, რადგან მსოფლიოში უკვე საუბრობენ იმაზე რომ 72 საათიანი ვალიდურობა შეიძლება არ იყოს საკმარისი ახალი შტამის შემთხვევაში და ეს დრო იქნეს დათქმული 48 საათად. საბჭომ იმსჯელა ამასთან დაკავშირებით, ჩვენი პროფესიონალები და ექსპერტები მოამზადებენ გარკვეულ დასკვნას, რომელსაც სამშაბათს წარვადგენთ საბჭოზე და მივიღებთ დამატებით გადაწყვეტილებებს, და მე არ გამოვრიცხავ, რომ მნიშვნელოვნად გამკაცრდეს ყველა ის ღონისძიება, რომელიც შეეხება მწვანე პასპოტს და ასევე სხვა აღსრულების მექანიზმებს”, – განაცხადა ტიკარაძემ პირველი არხის ეთერში.

ცნობისთვის, პირველი დეკემბრიდან საქართველოში ე.წ. მწვანე პასპორტები ამოქმედდა.

ასევე დაგაინტერესებთ:

🔵ეს იყო სახელმწიფო გადატრიალება...მე არ დამინახავს იქ დასახიჩრებული ადამიანები - გიული ალასანია 7 ნოემბრის აქციის დარბევაზე

🔵საბერძნეთში "ომიკრონის" პირველი შემთხვევა დაფიქსირდა - reuters

🔵3 დეკემბრის ასტროლოგიური პროგნოზი - განსაკუთრებული პასუხისმგებლობით უნდა დავიცვათ თავი