პროკურორი: მიხეილ სააკაშვილს სასამართლო სხდომაზე დასწრების ორი ალტერნატივა ჰქონდა შეთავაზებული

პროკურორის გიორგი მუჯირის განცხადებით, რომელიც საქართველოს მესამე პრეზიდენტის მიხეილ სააკაშვილის მიერ საბიუჯეტო თანხების გაფლანგვის საქმის პროკურორია განმარტავს, რომ სასამართლო სხდომაზე ბრალდებულის დასწრების ორი ალტერნატივა ბრალდების მხარის მიერ იყო შეთავაზებული. 

„როგორც მოგეხსენებათ, დღევანდელ სასამართლო სხდომაზე პენიტენციური სამსახურის მიერ არ წარმოდგენილა ბრალდებული მიხეილ სააკაშვილი. ბრალდების მხარის მიერ შეთავაზებული იქნა კანონმდებლობით გათვალისწინებული ორივე ალტერნატივა - ადგილზე მისვლით მომხდარიყო სასამართლო სხდომის ჩატარება ან ბრალდებული წარმოდგენილი ყოფილიყო სასამართლო დარბაზში დისტანციურად ტექნიკური საშუალებების გამოყენებით“, - თქვა პროკურორმა.

გიორგი მუჯირის განცხადებით, დაცვის მხარის მიერ არ იქნა გაჟღერებული დასაბუთებულ არგუმენტირებული პოზიცია და ნაცვლად შინაარსობრივი საკითხებისა, ისინი მთელი 4 საათის განმავლობაში ცდილობდნენ აქცენტები გადაეტანათ არამნიშვნელოვან საკითხებზე.

პროკურორმა აღნიშნა, რომ საბოლოოდ ნაცვლად სასამართლო სხდომის ჩატარებისა, მათ დაუსაბუთებელი არგუმენტებით ფაქტობრივად უარი განაცხადეს პროცესის ჩატარებაზე, როდესაც ამის შესაძლებლობას კანონი ითვალისწინებდა.

ამავე თემაზე:

🔵სააკაშვილს დაცვის უფლება წაართვეს, სასამართლო გაუქმებულია-ბექა ბასილაია