"სავარაუდო დანაშაულის 5 შემთხვევას ვსწავლობთ" - ომბუდსმენი ბავშვების მიმართ სავარაუდო დანაშაულებრივი ქმედებებთან დაკავშირებით სოციალურ ქსელებსა და მედიასაშუალებებში გავრცელებულ ინფორმაციას ეხმაურება

საქართველოს სახალხო დამცველი ბავშვების მიმართ სავარაუდო დანაშაულებრივი ქმედებებთან დაკავშირებით სოციალურ ქსელებსა და მედიასაშუალებებში გავრცელებულ ინფორმაციას ეხმაურება.

განცხადებაში აღნიშნულია, რომ ომბუდსმენი უკვე სწავლობს მსგავს ხუთ სავარაუდო შემთხვევას.

ამასთან, სახელმწიფო უწყებებს მოუწოდებს განახორციელონ პროაქტიული და კოორდინირებული ქმედებები.

"განსაკუთრებით მნიშვნელოვანია, რომ ბაღებში, სკოლებსა თუ მათ მიმდებარე ტერიტორიაზე მოხდეს უცხო პირთა გადაადგილების მკაცრი კონტროლი.

ხოლო, ბავშვებისთვის საფრთხის, ან საფრთხის შესახებ ეჭვის არსებობის შემთხვევაში, პასუხისმგებელმა პირებმა დროულად მიაწოდონ ინფორმაცია მშობლებსა და სამართალდამცავ უწყებებს;

საგანმანათლებლო დაწესებულებებმა ბავშვებს და მშობლებს მიაწოდონ ინფორმაცია, თუ როგორ იმოქმედონ მსგავს სიტუაციებში, საფრთხისგან თავის არიდების რა მექანიზმები არსებობს და ვის უნდა დაუკავშირდნენ;
საზოგადოებამ მსგავსი ფაქტების შემჩნევის შემთხვევაში გამოიჩინოს მაღალი სამოქალაქო პასუხისმგებლობა და დროულად მიმართოს სამართალდამცავებს, მათ შორის, დააფიქსიროს შეტყობინება საზოგადოებრივი უსაფრთხოების მართვის ცენტრში „112-ში“.

სახალხო დამცველი სავარაუდო შემთხვევებზე დაწყებული გამოძიების მიმდინარეობას შეისწავლის და თითოეულ შემთხვევაზე სახელმწიფო უწყებების მხრიდან რეაგიარების მიზნით განხორციელებულ ღონისძიებებს შეაფასებს.

საჭიროების შემთხვევაში, დაინტერესებულ პირებს შეუძლიათ 24 საათის განმავლობაში მიმართონ საქართველოს სახალხო დამცველს ცხელ ხაზზე – 1481”, – ნათქვამია სახალხო დამცველის განცხადებაში.

ასევე დაგაინტერესებთ:

* "პუტინს ეგონა კაგებეშნიკი პატრიარქ კირილეს ლოცვა გაჭრიდა და ცივ ზამთარს მოუვლენდა ევროპელებს. არაო ღმერთმა" - გოცირიძე

* “ევროკავშირმა 17 მილიარდი ევროს ღირებულების რუსული აქტივები გაყინა” - უცხოური მედია

* "შენ ქალებს რა უნდა მოკითხო, როდესაც თავად ხარ აფერისტი ქალოია - რუსეთში Lufthansa-ს “სტუარდესა” იყავი, გუნდში მიგიღეთ"