"უკრაინულ მხარესთან უნდა შეეთანხმებინათ თუ აპირებდნენ სხვაგან გადაყვანას" - ლიზა იასკო სააკაშვილის გადაყვანაზე

"მიხეილ სააკაშვილის სხვა დაწესებულებაში გადაყვანის საკითხი უკრაინულ მხარესთან შეთანხმებული უნდა ყოფილიყო", – ამის შესახებ უკრაინის უმაღლესი რადას დეპუტატმა  ლიზა იასკომ განაცხადა.

იასკო  გლდანის ციხეში მიხეილ სააკაშვილთან ამ დრომდე ვერ შედის.

"მთავარ მიზანი  სამართლიანობისთვის ბრძოლაა.  ძალიან ბევრი განცხადება გაკეთდა ევროპარლამენტარების მხრიდან, ევროკავშირის მხრიდან, ყველა ძალიან შეშფოთებულია იმით, რაც მოხდა გუშინ, რომ რეკომენდაციის გარეშე, ადვოკატების საქმის კურსში ჩაყენების გარეშე, ექიმების, ნათესავების, უკრაინული მხარის გარეშე გადაიყვანეს.. უკრაინულ მხარესთან უნდა შეეთანხმებინათ თუ აპირებდნენ სხვაგან გადაყვანას.

ჩუმად, უბრალოდ, აიღეს და გადაიყვანეს", – განაცხადა იასკომ. 

ლიზა იასკოს თქმით, საქართველოში ჩამოსვლას უკრაინის სახალხო დამცველი გეგმავს, თუმცა  ვიზიტის ზუსტი თარიღი მისთვის უცნობია.

პენიტენციური სამსახურის ინფორმაციით, ჯანმრთელობის მდგომარეობის გაუარესების პრევენციის მიზნით და მომატებული საფრთხეებიდან გამომდინარე პატიმარი მიხეილ სააკაშვილი, მე-12 პენიტენციური დაწესებულებიდან N18 ბრალდებულთა და მსჯავრდებულთა სამკურნალო დაწესებულებაში 8 ნოემბერს გადაიყვანეს.

მანამდე ექსპრეზიდენტის პირადმა ექიმმა ნიკოლოზ ყიფშიძემ განაცხადა, რომ კონსილიუმმა მიხეილ სააკაშვილის სამოქალაქო კლინიკაში დაუყოვნებლივ გადაყვანის გადაწყვეტილება მიიღო.

საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან, მე-40 დღეა შიმშილობს.

სააკაშვილის ადვოკატები და სახალხო დამცველი ყოფილი პრეზიდენტის სამოქალაქო საავადმყოფოში გადაყვანას ითხოვენ, იუსტიციის სამინისტრო კი აცხადებს, რომ #18 სასჯელაღსრულების (სამკურნალო) დაწესებულებაში სააკაშვილის მკურნალობისთვის ყველა აუცილებელი პირობა არსებობს.

ამავე თემაზე:

🔲 „მინდა, გავაფრთხილო მმართველი პარტიის ყველა წევრი, ისინი ისე შორს არიან ევროკავშირში რეალური გაწევრიანებისკენ სწრაფვისგან, როგორც არასდროს“

🔲 "ნაცმოძრაობა" დღეს თბილისში 20:00 საათზე, საპროტესტო აქციას გამართავს

🔲 "ჯოჯოხეთური მდგომარეობაა, მიხეილ სააკაშვილი გადმოყვანილია იმისთვის, რომ მოხდეს მისი ლიკვიდაცია" - ბექა ბასილაია გლდანის სამკურნალო დაწესებულებაზე

🔲 "გადმომათრიეს მანქანიდან, კრიმინალების გინების ქვეშ გამათრიეს მიწაზე და რამდენჯერმე ჩამარტყეს კისერში, მითრიეს თმებით, ამ დროს გავუწიე წინააღმდეგობა" - მიხეილ სააკაშვილი