"ფიქრებში გართულ კონტროლიორის ყვირილმა გამომაფხიზლა, პატარა ბავშვიან გოგოს თავზე ადგა და ბოლო ხმაზე გაყვიროდა. თვალი გადავავლე მგზავრებით სავსე დადუმებულ ავტობუსს და პირველად გავიმეტე ჩემი ქვეყანა მეტეორისთვის"

სოციოლოგი, ნინო ჯურხაძე "ფეისბუკში" წერს:

"დღეს ერთ-ერთ ქალაქის ავტობუსში ვიჯექი რატომღაც ფიქრებში გართულს არ გამიგია კონტროლიორის ამოსვლა.

ყვირილმა გამომაფხიზლა, ახალგაზრდა პატარა ბავშვიან გოგოს თავზე ადგა და ბოლო ხმაზე გაყვიროდა.

უხერხულ მდგომარეობაში ჩავარდნილი გოგო ხელში ბარათს და 2 ლარიანს უხერხულად ატრიალებდა და უხსნიდა კონტროლიორს, რომ არ იცოდა ბარათზე თუ თანხა არ იყო.

წამოვდექი და უცებ ავუღე გოგონას ბილეთი და…. აი აქ დაიწყო შენ ვინ ხარო დავპატიჟე-თქო ღიმილით ვუთხარი იქნებ ბრაზი გამენეიტრალებინა.

- ახლავე ფული მიეცი - მიუბრუნდა გოგონას.

- არ მინდა ქალბატონო, დავპატიჟე-თქო.

- ოჰ, გამოჩნდა კეთილის მსურველი, მე-ბოროტი და შენ-კეთილი ხომ? გაწიწმატდა კონტროლიორი თუ ამდენი გაქვს რა გინდა ტრანსპორტში წასულიყავი ტაქსით, შენისთანა ვითომ კეთილებმა დააქციეს ქვეყანა!

- ახლავე მიეცი ფული, კიდევ უფრო ხმამაღლა შეუტია გოგონას.

ამასობაში ატირდა პატარაა მიხვდა, რომ მის დედიკოს ვიღაც უყვიროდა, მეორე კონტროლიორი ექაჩებოდა ჩავიდეთ უკვე დროაო, არადა ქალი არ ჩერდებოდა.

მგზავრებს გადავხედე და გავოგნდი ზოგი ფანჯარაში იყურებოდა, ზოგიც რატომღაც ავტობუსის ჭერით იყო დაინტერესებული, ზოგსაც მობილურში ჩაეყო ღრმად თავი, ხმა არავის ამოუღია.

- როგორც იქნა ჩამოვედით მეც და კონტროლიორიც გაჩერებაზე, თუმცა კონტროლიორი არ ჩერდებოდა
გაოგნებული, გულნატკენი, შეურაცხყოფილი ვიდექი გაჩერებაზე თვალი გავაყოლე მგზავრებით სავსე დადუმებულ ავტობუსს და პირველად გავიმეტე ჩემი ქვეყანა მეტეორისთვის",- წერს ჯუხაშვილი.

ასევე დაგაინტერესებთ:

* ანექსირებულ ყირიმში "გაზეტა.რუ"-ს ყოფილი მთავარი რედაქტორი დაიღუპა

* "ეკლესია არის კერძო მესაკუთრე, ვისაც უნდა შეუშვებს, ვისაც უნდა გამოუშვებს - გარეთ ნუ გვაწუხებენ ანაფორიანი ტაბურეტები, თორემ სახლში რაც უნდა ის აკეთონ"

* რუსთავში, დედას და ორ მცირეწლოვან ბავშვს ავტომანქანა დაეჯახა